حرف ونغم

ويلاه من شوف الشعر في جبينك =طلايقه يوم إنتثر قلت جَنّيْ
شفتك ولكن وين حظي ووينك =وشفت العيون الساهيات وشجَنِّيْ
ويوم التوى بعض الشعر في يمينك =كل الحلا اللِّي بك غريب وفتنِّيْ
عرش الهوى خلقت له رموش عينك =عكشٍ بحربة حبّهن صوبنِّيْ
عطْ قاصرات الزين من زود زينك =عطهن ترى نصف المطالب تمنِّيْ
عمرك ينادي ما مضى من سنينك =أيام عمرك كنهن يرجعنِّيْ
عيني وقلبي والعقل عاشقينك =شفتك وشفت الزود عن زود ظنِّيْ
وثِّقْ عهود الحب بيني وبينك =في معركة حبك عيونك خذنِّيْ