آيـات الجـمال

عندما يكتب السامر يصبح لشعر لون آخر لون الشمس والوضوح والنقاء والشفافية المفرطة .
شاعرنا يطربنا كثيرً بشاعريته الضخمة وإنسانيته النبيلة وحضوره الرائع
.........................................................................................................................................................

مافيه أحد مثلك ولا اظن به زين=مثلك جماله يفتن اللي يشوفه
وكل الحلا من سحر هاروت بالعين=وخدود بآيات الجمال امحفوفه
وسلطان كل العطف بالخلق واللين=مستاثر ٍ بك بين امانه وخوفه
ملكتني بالحب ملك السلاطين=وفي ملك حبك ما لحقني حسوفه
آمر تصرف بي ولا تترك البين=يسطي على قلبٍ عيونك ضيوفه
مكان حبك يا حبيبي بثنتين=هاذي وهاذي والشفوف امعروفه
تاج الحكم والزين بين الحجاجين=وبالفعل زينك كمل الله وصوفه

شعر الأمير عبدالعزيز بن سعود بن محمد آل سعود
الســـامر