الصوت... ...الصدى

يا سعود

يا سعود ساعدني على حر الاشواق =صمتي قهر وان صحت قالوا فضيحه
ما يستوي حبٍ على هجر وفراق =يا ويلكم يا أهل القلوب الجريحه
إن ما تصافينا على حسن الاخلاق =ان مت قولوا جعل ربي يبيحه
لا ما يوسع خاطري كل ما ضاق =إلا وعودٍ بالمواصل صحيحه
قلبي سرقه اللي للالباب سراق =وراع الهوى لا طاح يكثر مطيحه
إلى ذكرت اللي معي سلكه دقاق =يا سعود من فرقاه جيت صيحه

عبد العزيز بن سعود بن محمد (السامر)

لا بأس يا شاكي خطا جرح الأعماق =هذا الهوى مانته لحالك طريحه
ذويق وذوقك يختلف بين الأذواق =ما تحتويك إلا العيون الذبيحة
شبك يا لحر النداوي على ساق =واقفى بقلبك والليالي شحيحه
الهاجر اللي من بعده الفضا ضاق =لولاه غالي ما استفز القريحه
يرجع مثل ما كان لا يحرق احراق =قلب يوده كان يبغي النصيحة
وانا معك لو تطلب الروح ينساق =إلا بعينك لا تضيق الفسيحه
يا ليت لو تكشف لنا بعض الاوراق =حتى نبرمج فالجهاز الشريحه

سعود بن سلطان بن سعود