هذا الفهد فخر العرب

 
هذا الفهد فخر العرب
هذه القصيدة قلتها مجاراة لقصيدة الأمير عبدالعزيز بن سعود آل سعود (السامر) في خادم الحرمين الشريفين المنشورة في العدد رقم 11962 يوم الأربعاء 22-5-1426هـ:

قريت فاق هاضني يبهج العين
قاف من السامر جزيل الإفاده
قاف يمجد خادم البيت والدين
مليكنا اللي خير شعبه مراده
مليكنا عساه ما يشكي البين
عساه ماجور زعيم القياده
الله يجيره من المرض قولوا آمين
حيث إن حياة الفهد تحيي بلاده
في كل علم طيب له موازين
ترجح بها يمنى لها البذل عاده
فإن جيت تبغى الدين فهذي الحرمين
شهادة تكفي ونعم الشهاده
وإن جيت تبغى التنمية في الميادين
هذي صروح المجد تحكي جهاده
وإن جيت في شعبه فهو خطل الأيمين
خير المواطن آمر باعتماده
وإن جيت في علم السياسة فنعمين
عميدها.. دكتورها... هو أستاده
هذا الفهد فخر العرب والمصلين
وبين الدول مواقفه في الرياده
فيا الله ياالمطلوب نرفع لك إيدين
متّعه بالصحة وطول السعاده

فرحان بن محمد بن شماء الوداعين

الخميس 8 ,جمادى الآخر 1426