الرياضية تنشر قصيدة كُـــف المــلام

كف الملام الله يجازيك باحسان=الليل وجهه غير وجه النهارا
يا لايمي في حب طلقين الايمان=عشقي حرار وعشق غيري وكارا
العشق هاجس قلب والطيب ميدان=واهل الفعول الكايده ما تجارا
التجربه برهان والعقل ميزان=والشمس بكفوف الحسد ما توارا
لي نظرتي والعالم اشكال والوان=ولي خبرةٍ تهدي عقول الحيارا
قصايدي ما هيب تقطيع واوزان=ولا تشبه المطروق والمستعارا
تاخذ معانيها من النور عنوان=واصدع بها بين الخلايق جهارا
من راسي أقدح ما انشد فلان وفلان=حرّ ٍ تنومسني فعول الحرارا

شعر الأمير عبدالعـزيز بن سعود بن محمد آل سعود