( ربيع المجد ) شعر:عبدالعزيز بن سعود- باريس

تسرح عيوني في جمال الطبيعه=والفكر يسرح في مواضيعٍ أنواع
سبحان من ميّز بخلقه صنيعه=فرق المزايا بالأوادم وبالقاع
شفت المناظر والثلوج البديعه=ابداع خلاقٍ تفرّد بالابداع
ذهب ولا غيّر شعوري لميعه=وجودك يغير موازين الاوضاع
لو جيت قاعٍ من محلها مريعه=تصير من طيبك مصيفٍ ومرباع
طيبك قديم المجد.. جدد ربيعه=يا نادرٍ ظن الوفا فيك ما ضاع
الفكر واعي والمدارك وسيعه=لك سيرة المرحوم نبراس واشعاع
حفظت درسه مثل حفظ الشريعه=بسيوف جدانك عن اصحاب الاطماع
حصون مجدك يابو تركي منيعه=صدق الثنا عنها ملا كل الاسماع