نتيجة مسابقة لغز قصيدة (عادات وسلوم ) قريباً
1433-10-29 12:59 مساءً
20
0
165467
المكتب الاعلامي
قريباً سوف يعلن نتيجة مسابقة لغز قصيدة (عادات وسلوم ) التي أعلن عنها صاحب السمو الأمير عبد العزيز بن سعود بن محمد آل سعود ورصد لها سيارة مرسيدس بانوراما 2012 والمسابقة عبارة عن حل الغز في قصيدة شعرية من عشرة أبيات تكون مجارية لقصيدة " عادات وسلوم " ويشترط عدم تكرار القوافي .
وسوف نقوم بنشر بعض القصائد المشاركة في المسابقة بشكل يومي حتي يتم اعلان النتائج
معلا ابراهيم الاسعدي
شعر / احمد العليان
الأسم/ عبدالعزيز بن عبدالله أبن سعيد القحطاني
أخوكم : باني بن عبد الله بن هويل البقمي
الشاعر /متعب خمييس متروك العتيبي
بقلم : ثابت عبدالله القحطاني
أبيات/ حامد بن مريزيق دلبح الثبيتي
حميد محمد حميد المطيري
عقاب عبيد فهيد الشمري
عبدالعزيز محمد الشلوه القحطاني
ابنكم الشاب / عبدالله بن سعود بن مقحم العتيبي
الدوادمي
الشاعر/مشعل بن صنت فالح العصيمي
المشاركه من كلمات ماجد بن مذود بن خمسان
الشاعر/ فهد عبيد العتيبي
مشاركة أبنك / بواج بن موسى بن مسعر السبيعي
مشاركة :: أ. زيد بن قعيد القاسمي
عقاب عبيد الطعيميس
المرسل: نايف مضحي ابوربعة
قريباً سوف يعلن نتيجة مسابقة لغز قصيدة (عادات وسلوم ) التي أعلن عنها صاحب السمو الأمير عبد العزيز بن سعود بن محمد آل سعود ورصد لها سيارة مرسيدس بانوراما 2012 والمسابقة عبارة عن حل الغز في قصيدة شعرية من عشرة أبيات تكون مجارية لقصيدة " عادات وسلوم " ويشترط عدم تكرار القوافي .
وسوف نقوم بنشر بعض القصائد المشاركة في المسابقة بشكل يومي حتي يتم اعلان النتائج
سلام ياسيفٍ على الطيب داحوم
يا القادر النادر ويا افخم فصيله
يا ذيب ياشامخ ويا شبل شغموم
كم واحد ٍ يبغى سموك عميله
الطيب في مثلك من سنين محسوم
يانادر ٍ ماشفت مثله بجيله
سؤالكم ماهو بواضح وملغوم
منه يكن الراس وسطه قبيله
وعلمني الرحمن حله بزيزوم
حلٍ على ماقيل وفيت هيله
هذا السراج اللي معلق و مزموم
سبع الاراضي لاحشا ما تحيله
يشرب وقوده سم واقول زغوم
ولا شب ماتلقى بليلك بديله
يضوي بعون الله بالزيت مدعوم
انوار تقدح فيه ياويل ويله
وابيات من فكري تجي عشرة سهوم
اتنافس اللي تو جدد موديله
واختامها عودٍ ومسكٍ ويشموم
للصايد اللي نافلٍ ٍ كل جيله
مشاركة :: ممدوح محمد دخيل الغلاب
يامن بغى العليا ترى الجود محتوم
المجد يعطى للنفوس المثيله
للخلق احكام مع الخلق وعلوم
يكسب بها الرجال خصله نبيله
من قدم اليمنى واﻹيمان محشوم
رسول ربي قال فيه الجزيله
ومن قدم اليمنى ولاهوبملزوم
كرمه صفه عن شح نفسه بديله
والقول في من وحد الله محسوم
سكنه في الجنه ماهي قليله
ولويخدم الحاكم من الناس محكوم
نشر التعاون بين ربعه وجيله
ماجاب حقه من نخا غير محزوم
الامثل من زاد على الطين بله
المجد مايرضى بنايم ومخدوم
شرى النشاما لسنين المهيله
راحت ملوك لها ملك ووسوم
ولاذكرها حد في اي مله
لغزك يابوراشد صعيب ومفهوم
اظن المطر ياالسامر جوابه وحله
الشاعر : أحمد ولد عبد الله ولد الطالب عثمان - موريتانيا
من جاوز العليا تراجع عن العوم
قانع ويكفي نال هامه أصيله
المجد عز قروم ما عافت تروم
تقدح وترقى فوق شرفه طويله
ميثاقها راسخ وصامد وزيزوم
ثابت ولا شتى الهوايل تزيله
ليله بها من مزج الالحان تعلوم
يا حلوها أغنت عن الأعوام ليله
ما زين من وجه طلع فوق مهيوم
وجه القمر والطرف دايم يخيله
الوقت زايل والعمر سر معدوم
والاخره درع الواجبات الجميله
الموت قايم والمقابر بها لوم
والنار تطمع والحسايف جليله
بامر الذي يغفر ويرحم ولا ينوم
رب السما منجي الهموم الثقيله
حامي وجيه اللي تناجيه وتحوم
جنب الطواف وجنب محنه ذليله
يا رب عفوك والستر دايم يدوم
لك يا اله مروض الأرض سيله
الاسم: عبدالعزيز عوض نافع الجابري الحربي
من يطلب العليا رقاء راس مرجوم
يقصرقدم خطوى الردي مايجي له
يبعده عن قُرباً يورث له اهموم
يركي على كبده اسوات المليله
خلايق( ن)ماتستر اعيوبها اهدوم
في دمها تلقى الردى له فصيله
اخيرمنها البعد و اسر مكتوم
شجرة ولا فيها اغصون (ن)ضليله
والخيط ما يركز ولو كان ملموم
عزالله انه عيد ساعة رحيله
ويا مير يا سابك من الدر منضوم
ياناصرالمضلوم زبن الدخيله
في بحر لغزك قامت افكاري اتعوم
وقضيت ليلي بين حطه وشيله
وصدرت من ديوان الاشعار مرسوم
بيان عاجل في حروفاً قليله
مفاده ان اللغز يامير مفهوم
حله باجيبه لك ولا به بديله
ذاك (السحاب)وحله اليوم محسوم
شبيه كفك بالعطايا الجزيله
إبنتكم / مــهـــابــه
يامير انا جيتك ولا ني بمهموم
وانته ترى من طاح . . صدرك رحيله
وانا ترى لاطحت يامير ب قوم
عز الولد . . ماهي مثل عزتي له
سلام مني يسبقه ريح يشموم
على خيول العز تسمع صهيله
ماهو بمن سرد الغلا نطق مذموم
لهفة خليلً لاتلاقى خليله
يامير ذكرك عند الاجواد مصموم
بس البلا شوفتك والله قليله
هاج الفكر . . والصدر من قبل مكتوم
طرقً عجبنا مالقينا. مثيله
قمت اتمعن في قوافيك واعوم
وادعي عسى بالبّحر نلقى حصيله
والحل كنّه بين الاقواس مضموم
(فرعون) عزه عوّد بحدر ذيله
والمعجزه من يد موسى بها كوم
ويل العدى من مارمى ويل ويله
قد قالها الي يخلق الفرد والتوم
سبحان ربن نفسنا له ذليله
ماجد بن سعود بن محمد بن مهل السليمي
الأخلاق أعلاها في الكتاب مرسومْ
مَن حَمَلْها صارت نعوتَهْ أصيلهْ
ويخبرك عن الأيكة و عمورة وسدومْ
صاروا تراب وصارت سيوفهم كليلهْ
وتقرأ في القرآن الكريم عن علومْ
ترى علوم الناس بجَنبها قليلهْ
طيارة طار فيها للفضاءْ هجومْ
يركب متون الريح والنَّسمَةْ العليلهْ
عباس بن فرناس عاشقٍ مغرومْ
بجناح طار وهد المسافة الذليلهْ
ما يسابقها الطير بأصواته والحجومْ
هيَّ بنت الحديد وللمعادن سليلهْ
تسبح ما بين غيوم فوقها رجومْ
ما يعيقها خفيفة وزن أو ثقيلهْ
والمؤمن هو يدري أن الأجل محتومْ
وبعد الأجل بُشرى الحياة السهيلهْ
بأنهار الجنان يشرب عسل ويعومْ
ويمتع رُؤاه بظل دوحهْ ظليلهْ
وإن شاء يسرح على خيلْ ملجومْ
أو شاء يغرف عذبَهُ وسلسَبيلهْ
شعر الدكتور مصطفى محمد عبد الفتاح
سورية ـ إدلب
سورية ـ إدلب
ان كان به للشعر فارس وزيزوم
يتعب على سبك البيوت الجزيله
هذاك ابو راشد ذرى كل مضيوم
يتعب على الجزله وعاف الهزيله
غيره لدرب الجزله يطيح ويقوم
وهو لدرب الطايله شاد حليه
وحده لكوم وساير الناس في كوم
راع الفعول الطيبه والأصيله
واللغز عندي صار واضح ومفهوم
فكر به الشاعر صباحه وليله
(القلب) حله بس انا غير معصوم
ا من الخطأ والرزق ربي وكيله
هقيتها والقلب للكايد يرووم
لوكان نعمه خالقي مو قليله
ترى التفائل خير والضيق مشئوم
واللي زرع يجني بعدها حصيله
آمن بمن خلا السمك يعرف العوم
وليا اشتكيت الله وحده اشتكي له
بسم الله الرحمن وابليس مرجوم
ومن يتبع الشيطان ياويل ويله
عدنان عبدالله العبار
من يطلب العليا للامجاد ويروم
ذكره زها بين الرجال الأصيله
المجد للي فالمهمات زيزوم
ما ياسم إلا المفردات الجزيله
أعلن وجاب من القرارات مرسوم
الفكر سامي والمعاني نبيله
والماهر اللي فالبحر يحسن العوم
يغوص في قزوين والله وكيله
سبحان ربٍ سخر الكون محكوم
وأنشأ السحاب من البحور المهيله
بأمر البديع الخالق الحيّ قيوم
تشوف برقه لابرق فالمخيله
الأرض تلبس للفرح ثوبها غيوم
مستبشره بقدوم وابل هميله
غر السحاب المودق الغدق محموم
روت منه كل العروق المحيله
يدريبه الممطور والقصد مفهوم
ويجهل به العساس راع الكحيله
والهقوه اللي ترفع الراس ويقوم
في وقتها مثل السيوف الصقيله
معلا ابراهيم الاسعدي
على كريمٍ سايق المزن مردوم
يروي ديارنٍ ظاميه تشتكيله
وكل اموره والتجا شخص مهموم
روح زمانه والحلم مات غيله
يصبر وداري بالقدر محد معصوم
لوحٍ حفظ من يعرفه واهني له
في عقرب الساعة انكتب لغز مغموم
حله عرفته تحت سدره ظليله
متعلقٍ في برج ينطح له غيوم
كنه لهب بركان ناره هويله
يشرب وظامي مارتوى وقت مصروم
يشيب رمشٍ ما لقى له مقيله
تسمع بونت من سرى عمره مخطوم
واصبح قهوته فوح ذكرى رحيله
تبقى الجمايل والوفا عند زيزوم
تسخى يدينه من جدوده سليله
هذاك رميه ماختلف حزت لزوم
يطرح برايه كل قوله هزيله
صيته ظهر لو حاسده رادم عقوم
السيل يطمر ماترده نثيله
شعر / احمد العليان
ياللي كلامه مع الحس معلوم
يدري للدنيا وش هي تسويله
يمشي مع البشر يباري الشوم
وعلته مع اللي يكون ما ينتميله
عن عادات العرب دوم مفطوم
يسعى للشرف ما يبي الفشيله
وكلن على فعله بيجني المنظوم
واللي عثر من دون هوآه عزتيله
وكلن على ما تمشي خطاه مرسوم
هذا للهدى وهذاك منزوي يا حليله
وعلى ما ذكر به راعي الهموم
كل صاحب لخويه هو الدليله
النصح و الإرشاد لابد له لزوم
أما نفع ولا اللي عليك تسويله
كم و كم و كم و يالله يا رحوم
تعلم الحال وكل بايس و غليله
البشر ما تستوي كلن بدنياه يحوم
وكل رجل له بدنيآه طيحه و ميله
تعني شيء ولاهو بعني مغيوم
و تبداء بتفسير هموم طويله
سعيت بفكرك ما بين السماء والنجوم
والأرض تدور و القمر بفضآها يحتويله
واللي رفع عيسئ و بسمآه محشوم
اني أنطوي لاكن ما عاد باليد حيله
أنكان من ما ذكرت مالك علي لوم
عقل ابن آدم بفكره لزوم يعيله
الأسم/ عبدالعزيز بن عبدالله أبن سعيد القحطاني
قول جذبني بدع حر وزيزوم
شيخ أليا ثقل الحمل يرتكي له
شاعر هل العوجا مقدر ومحشوم
بالخير من كل العرب يندعي له
عبد العزيز اللي كسب مجد ونعوم
يشفي قلوب بالوفا تنتحي له
الشهم لامنه رمى سهم ملحوم
تقول شعر النظم عنده دخيله
نادر بحر صيته ظهر بدر شغموم
فيه الصفات الوافيه والنبيله
والجود حض له من الرب مقدوم
من طيب ابوه وطيب خاله نفيله
ولغز من السامر على الحق منظوم
حله تراه (الرحم) والله وكيله
وسطه مقر الحمل تدبير قيوم
والناس مختلفة وكل وجيله
ولا به بشر عن جملة الذنب معصوم
إلا النبي اللي فعوله جليله
وصلاة ربي عد ما مر من يوم
على نبياً حارب أهل الرذيله.
أخوكم : باني بن عبد الله بن هويل البقمي
من عاش في كرب(ن) من الوقت وهموم
الصبر مفتاحه وربي وكيله
محد(ن) يحيد من المقّدّر ومقسوم
كلن على ماينكتب له يجيله
احد(ن) حياته كلها امآل وحلوم
واحد(ن) يكافح دون حيل(ن) وحيله
ماكل عيب(ن) يستره بشت وهدوم
ولاكل من قالو شهم ينعنيله
مايلحق الطيب مشاريه وعلوم
والا الردي عايش ونفسه ذليله
ياسيدي أمير شاعر وشغموم
ذخر السيوف المرهفات الصقيله
اغوص في عمق البحر وارجع اعوم
وطلعت بالدره برمعه جميله
الحل يرّبط بالآمانه ومحكوم
حكم الخيانه والمنافق دليله
واختامها يالله ياحي قيوم
ياللي عباده كلها تنحنيله
تغفر لمن ماهو من الذنب معصوم
اللي رجاء عفوك نهاره وليله
الشاعر /متعب خمييس متروك العتيبي
بسم الكريم مصخر بفضله غيوم
من مزنها تسقي الرياض المحيله
وتنبت بها ورداً به العطر مشموم
تفرح بها نفوسً هواها تجيله
ريضانها بالطيب والجود ملموم
وسيل المكارم بالهنا تحتوي له
وقلب ً كساه الخير والدين محشوم
عن مورداتٍ للردا ترتمي له
والله عليم بخافي الصدر مركوم
نفسً على العليا .. ونفسً هزيله
ومن كان لبحور المراجل لها يروم
زهب قوارب بالنقا تتكي له
والبعض يهواها , ولا له سوا العوم
يكفيه نفسً عالنقا تهتوي له
والبعض ضايع خامل القلب مهزوم
والقوم به متباشره في رحيله
والا الوفا والجود والطيب ملزوم
بعروق ناس ُ للجمايل عميله
إليا خَطَت .. محداٍ من الناس معصوم
تلقى العذر والطيب ياخذ بديله
بقلم : ثابت عبدالله القحطاني
والله رزقنا العـقل والكبر مـذموم=ونفوسـنا مــن دون ربي ذليله
والعز في شخص" له الدين ملزوم=وفي سنة ألي لـه صفات" نبيله
وياخاتم" ظرفه ترى اللغز مفهوم = وأنا أعــتقد مـافيه حـل" بـديله
هذا الأجل وإن جاء مقدر ومحتوم =والله يــقصر عـمر والله يـطيله
حنا نـموت ولـكن الحي قـيوم= سبــحان من يعلم وعـلم وكيله
" data-font="Simplified Arabic,5,#000000,bold,normal" data-bkcolor="#FFFFFF" data-bkimage="" data-border="none,4,#400000" data-shadow="1" data-type="0" data-line="0" data-align="center" data-puse="" data-num="0,1," data-fshadow="0" data-fshadowc="" data-proundc="0" data-bkcolor2="" data-gradient="" id="Dimq1823527938" style="line-height:18px;width:588.125px;margin:auto;background-color:#FFFFFF;border:4px none #400000;" class="shadow">
والعز في شخص" له الدين ملزوم=وفي سنة ألي لـه صفات" نبيله
وياخاتم" ظرفه ترى اللغز مفهوم = وأنا أعــتقد مـافيه حـل" بـديله
هذا الأجل وإن جاء مقدر ومحتوم =والله يــقصر عـمر والله يـطيله
حنا نـموت ولـكن الحي قـيوم= سبــحان من يعلم وعـلم وكيله
" data-font="Simplified Arabic,5,#000000,bold,normal" data-bkcolor="#FFFFFF" data-bkimage="" data-border="none,4,#400000" data-shadow="1" data-type="0" data-line="0" data-align="center" data-puse="" data-num="0,1," data-fshadow="0" data-fshadowc="" data-proundc="0" data-bkcolor2="" data-gradient="" id="Dimq1823527938" style="line-height:18px;width:588.125px;margin:auto;background-color:#FFFFFF;border:4px none #400000;" class="shadow">
درب العلا للمجد واضح ومرسوم
لأهل الوفاء والطيب وأهل الأصيله
وعاداتنا تبقى لو الوقت معدوم
نرقى عن علوم الردا والرذيله
والخير فعل الخير والشر مهزوم
ومن يفعل الحسنة تجي في حصيله
والعدل يبقى لكن الظلم مهدوم
وبيت إنبنا بالظلم وعزتي له
ناس" تشيل الحقد في قلبها كوم
وناس" تسامح كل حقد" تزيله
والله رزقنا العقل والكبر مذموم
ونفوسنا من دون ربي ذليله
والعز في شخص" له الدين ملزوم
وفي سنة ألي له صفات" نبيله
وياخاتم" ظرفه ترى اللغز مفهوم
وأنا أعتقد مافيه حل" بديله
هذا الأجل وإن جاء مقدر ومحتوم
والله يقصر عمر والله يطيله
حنا نموت ولكن الحي قيوم
سبحان من يعلم وعلم وكيله
أبيات/ حامد بن مريزيق دلبح الثبيتي
قريت لي قاف كما العقد منظوم
والا كما الرحمه بعرض المخيله
لله در اللي نظمها على اوم
ذيك البيوت الناهيات الجزيله
عاداتنا عادات وعلومنا علوم
من ضيع العادات وا عزتيله
سلم لنا يرقابنا كل مرجوم
تلقى بسنه مصطفانا دليله
ومن طبق السنه عن الميل محشوم
مايستميله فعل قوم مميله
واللغز يالسامر مترجم ومفهوم
والجايزه بين العميل وعميله
هذا هو الدجال بالكفر موسوم
قومه من اصحاب الردى والرذيله
ولاشك بامر الله محارب ومهزوم
ومدحور عن راع الفعول الجميله
هذا وانا للشعر بامر الله اقوم
كني على ظهر المهار الاصيله
ويافارج الكربات عن كل مهموم
اعوذ بك عن كل عجفا هزيله
حميد محمد حميد المطيري
تاريخ ينهض لاهل المجد ويقوم
يبي له رجالٍ عزومه جزيله
والعز يبغاله من الناس شغموم
والمجد يكره للعزوم الهزيله
ولاّ البخيل اللي من الشح محزوم
لا نافعٍٍ ٍ نفسه ولا من يبيله
ومن يظلم العالم يكوم الاثم كوم
والعادل اللي كلنا نلتجيله
الواحد المعبود فردٍ ووقيوم
ولا خاب منهو ساهرٍ يشتكيله
وكم واحدٍ متكبرٍ صار مضيوم
وكم ظالم حظه غدابه مليله
ولا كل شاعر يجلب الدر ويعوم
لازم حلول اللغز غصبٍ تجيله
وحل اللغز صار بالشعر منظوم
هذا السراج بشمعته مع موديله
وان حام ليلٍ واصبح الجو معتوم
دوره جزيل من قديم ٍ بجيله
اشعل فتيله واتركك فوق مزموم
في ما مضى واليوم شئٍ بديله
عقاب عبيد فهيد الشمري
(( من يطلب العليا فلا يرخص السوم
المجد ما هو قسم ٍٍ نفسٍ بخيله ))
1 صدقت يا صدر ٍ ملا القاف يشموم
وعجز ٍ شهر فيه الحصان بصهيله
2إفتل يابو راشد من الحوم للعوم
بتار ياهند السيوف الصقيله
3 ظرف حضن له خط شاعر ومرقوم
ودفنتها بين العميل وعميله
4 كسرا نحت حكمه على راس مزموم
قاسي وله قدر وصفات ٍ نبيله
5 ودبي جنة والفضل لبن مكتوم
شهر بها بين السنين المحيله
7 و العمر رحله والقبر شي محتوم
لو طولت لأبد يعلن رحيله
6 ماضل في جدة سوا الشيخ جمجوم
يزرع غرايسها فسيله فسيله
8 ومن ياكل من الثوم يصبرعلى الثوم
لابد ما يومي للشورك شليله
9 كم واحد ٍ من بعض الاشوار مصدوم
وكم طاح تو الخيل قبا ٍ اصيله
10 ماني لكشف الظرف للخلق ملزوم
ابو صميل يعرف وش في صميله
عبدالعزيز محمد الشلوه القحطاني
1/ عبد طلب ربه من الحزن مكلوم
يرجي رضاه ورحمته والجزيلة
2/ وعفوه وستره دام للعمر مرسوم
وحشر (ن) مع محمد رسوله خليله
3/ والناس ماتملك لها شي معدوم
وكل (ن) مع المضماة يسبر صميله
4/وكم واحد(ن) لوهو محنك وشغموم
عيت مقادير الزمن لاتجي له
5/وتجري بنا (( الاقدار)) والعمر محتوم
مااحد(ن) بميت لين ياخذ حصيله
6/ جاريت من عدى على راس مزموم
الي بهماته صعد قبل جيله
7/ مثل الحصان اللي بالامجاد موسوم
مابين حين وحين نسمع صهيله
8/ من شجرة(ن) ماتنبت النبق والدوم
شجرة حسب لاهل السيوف الصقيلة
9/ واقبل تحياتي على جناح لملوم
حرن تنومس هدته فالخميلة
10/ وآخر كلامي ريح خم خم ويشموم
وصلاة مني للنبي وتهليلة
ابنكم الشاب / عبدالله بن سعود بن مقحم العتيبي
الدوادمي
يا سيدي للشعر حاكم ومحكوم
واتنه حكمة المفرده الجزيله
يا ىشاعر آل سعود يا حر ملحوم
صيدك من الشرَد مهيب الهزيله
دره من ابداعك بها ريح يشموم
عنوانها(عادات وسلوم)أصيله
عقد ٍ من اللولو ثلاثين مبروم
والجوهره للعقد صارت حليله
فيها منارات الهدى تكسر الحوم
ويشوفها اللي بالنظر به عقيله
الدين والأخلاق وسلوم وعلوم
افضل وثيقه سجلت بالبجيله
واللغز حله رمعة ٍ فوق مزموم
يا الله عساها ما تعود محيله
هو الأجل والاجلْ مقَدر ومحتوم
النفس يا تيها ولا هي تجيله
الله كتب الاجل والرزق في يوم
عمر الملا محدود ويلقى حصيله
احد ٍ كتابه في شماله ومكموم
واحد ٍ على يمناه بجنه ظليله
الشاعر/مشعل بن صنت فالح العصيمي
1- خمسة عشر ليله وانا اغوص واعوم
في بحر لغزك يالمعاني الجزيله
2- هموم قلبي كوم واللغز ذا كوم
ويجيك حلّ اللغز يوم ارتكيله
3- راسي تلاطم موجه احلام وهموم
وحظي عن الاحلام ينهض شليله
4- حظي واخبره كل ما حاول يقوم
يهومها لكنّ ما تستويله
5- ياشاعر ال سعود والوضع محسوم
جبت الكحيله وانا راعي الكحيله
6- لغزك بوجهه علم ورسوم ووسوم
وانا خذيت حكايته من عميله
7- اللّي يقع ويقوم ويحاول يهوم
ولاحصل له غير زبدة صميله
8- كم من عجوزٍ تنتخي فيه ويزوم
لكنّ معكم مايداني الدبيله
9- يطيح دون اللّي مهو فيه مهموم
وامّه على دمّه حياته جميله
10- كم بنتٍ تغذيه من درّ مزموم
واليا تفجّر هزّ عجز القبيله
المشاركه من كلمات ماجد بن مذود بن خمسان
لبى خيال ٍ يسبح البحّر ويعوم
في وسط غبات البحور الخليله
خيال بيطار ٍ من الروس زيزوم
راع البيوت الاولات الاصيله
السامر الطامر على كل شغموم
اللي طغى ذكره على كل جيله
اللي تخيّر فالرجال ال مكتوم
مايستوي للجزل غير الجزيله
لازادت ارقوم العرب زاد برقوم
حفيد من سن السيوف الصقيله
هذاك ابو تركي رجا كل مضيوم
اللي ليا مال الدهر يرتكي له
يوم القبايل كلها قوم وخصوم
وحّد قبايلنا قبيله قبيله
وبعض العرب لو تدفنه مال وهدوم
ماينعقل لاصار مامن عقيله
صار (الوفاء) بين العرب شبه معدوم
مادام مابين الخليل وخليله
الناس فيها غش واصحاب وغروم
ماكل خلق الله عباد ٍ نبيله
الشاعر/ فهد عبيد العتيبي
ياللي تبي العليا ودايم لها تروم
لاتحوز عن سلم العرب والقبيله
انزل بحور الطيب واسبح بعد عوم
وإصبر على صفق البحور المِهِيله
وخلك على سرك حريصٍ وسكتوم
لو كان كبدك تحترق بالمليله
وخلك حكيم الراي واصبر يزيزوم
من صاح من شي الا ولازم يجي له
وضيفك مكرم عزيزٍ ومحشوم
يدخل عليك وبضِيافتك تحتمي له
وخلق التواضع زين والكبر مذموم
الله خلقنا وآدمٍ ننتمي له
وعز الخوي لو تقعد الناس وتقوم
ماتحول من بين الخليل وخليله
الله من همٍ على صدري وكوم
خلت ضلوعي سوات الهليله
يارب يارحمن ياحي ياقيوم
ماضاقت الدنيا وانا ارتجي له
ماجى من الدنيا مقدر ومحتوم
لو كان في دمعك دمٍ تهيله
مشاركة أبنك / بواج بن موسى بن مسعر السبيعي
سلام ياتاج الفخر خير زيزوم
يا نادر ٍ بالطيب واطيب فصيله
ياللي تحوز المجد والدرب مزحوم
كم واحد ٍ وده سموك خليله
الطيب في مثلك من سنين محسوم
يانادر ٍ ماشفت مثله بجيله
سؤالكم ماهو بواضح وملغوم
منه يكن الراس وسطه قبيله
ومكّني الرحمن منه بشغموم
حلٍ على ماقيل زينت هيله
قمر صناعي بالفضا دوم مزموم
سبع الاراضي لاحشا ما تحيله
يشرب وقوده سم واقول زغوم
حتى يطير ويلتقي في عديله
يطير بامر الله بالعلم مدعوم
انوار تقدح فيه ياويل ويله
وابيات راسي صغتها كنها سهوم
اتسابق اللي تو صمم موديله
واختامها ورد ٍ وفل ٍ ويشموم
للنادر اللي سابق ٍ كل جيله
مشاركة :: أ. زيد بن قعيد القاسمي
لغز ٍ من السامر بالاشعار محكوم
عذب المعاني دارج ٍ سلسبيله
خياله الواسع بالابيات منظوم
حكمه ثمينه بالبيوت النبيله
والمجد ما ياتي اباوهام وحلوم
ومطالب العليا عزوم جزيله
وراعي الكبر بالذل ساكن ومنهوم
وراعي البخل محروم لو عاش جيله
وظرف تعلى الناس واجبال وغيوم
هذا الدعا رب الخلايق وكيله
وبين العباد الظلم ذنب ٍ ومذموم
ولا يرغبه غير العقول الضليله
والظالم الجاير بالاثام مرجوم
لا بد من وقتٍ يحصل حصيله
ما خاف دعوه تودع الحظ مهدوم
تصبح رياض العز شوك ونثيله
الظلم راعي الظلم لو طال مهزوم
والحظ ما يبدل بسم ومليله
والحق يظهر واخر الامر محتوم
ولحدٍ على الدنيا طويلٍ مقيله
عقاب عبيد الطعيميس
ختمت يالسامر على الظرف بختوم
تفتح مغاليقه سيوف(ن)صقيله
تارد حياض الموت بالحرب وتحوم
تسلى سنين العمر وتصول صوله
دكت حصون المعركة وانثنى القوم
تبني على انقاض المطاريد دوله
مايهاب موت من على الدين معصوم
روحه تعود بالفعول الجليله
الموت حاكم عدل والحي محكوم
يقلط على رجال(ن)شداد وهزيله
تسقي كفوفه كل شاكي ومسقوم
يا عملة الحي الصحيح وعميله
ومن قدم الحسنى فالاحسان محتوم
موته شرف يسوى حياة (ن)ذليله
ابرمت لاهل المعرفة عقد ملزوم
ان الوفا والدين خل وخليله
يامشغل العالم بالغاز وعلوم
لغز(ن)سمين اشبهه بألف ليله
وصلاة ربي عد ما تمطر غيوم
على شفيع الخلق راعي الوسيله
المرسل: نايف مضحي ابوربعة
طيب اذا كانت القصائد ما يقارب الألف قصيدة هل ستطول المدة ولو سمح لي أن ينزل أكثر من قصيدة إختصار الوقت
نحن مشتاقين لمعرفة الفائزين
ويكفينا فخر المشاركة لا اكثر ولا اقل
(( شاعر وله مبدا وفارس ونبراس,,طليق راس من زحول ٍ رواسي))
اول شي اقول لطويل العمر الحمد لله على سلامة ابنكم سعود وعسى الله يحفظه
لعيون ترجيه واسمحلي طال عمرك بهذه البيتين:
لا باس ياسعود لا باس لا باس *** عسى الشر يبعد عن سموك اميال
الله يجعل العافيه لك لبـاس *** ويحفظك للي علومه كلـها جزال
وثاني شي اقول بيّض الله وجهك على هذا اللغز وأحب ابارك مقدمًاً لصاحب
الحظ السعيد وألف ألف مبرووووووك ,,,
محبكم :
( ابو باسم )
السلام عليكم ورحمة الله وبركات
أشكر سيدي صاحب السمو الأمير عبد العزيز بن سعود بن محمد آل سعود (*السامر ) شاعر آل سعود
على دعمه الواضح لرقئ *الحرف والكلمه*
في الشعر الشعبي*
ومايقوم به من دعم للشعر والشعراء*
يبقى في ذاكرة التاريخ على مر العصور
*
الناس مشتاقة حيل والنتيجة تأخرت
كل الشكر على هذه الشفافيه لإدارة الموقع
ولمسه مميزه ، اقصد عرض بعض المشاركات
وهذا يعني فتح المجال بالتقييم والتاييد او المعارضه بالرأي
ولكني ارى بعض المشاركات تتعارض مع شروط المشاركه
وهذا يقزّمها وإن تعملقت
واللمسه الأروع دعمك المستمر القوي الفعّال اباراشد... وافعل ويكفونك الناس.
تحياتي...