نتيجة مسابقة الوفاء

المجد راس وفعلك اليوم هامه = حقايق ٍ ماهي دعايات واوهام
حقايق ٍ تبقى ليوم القيامه=في صفحة التاريخ تكـتب بالاقلام
ياسيدي حنكة وراي وفهامه =و لك بالسياسة طول خبرات والمام
ولا فيك ميل الا عقال العمامه =وباقيك عدل ٍ يرضي الخاص والعام
يامن حضا شعبه بجل اهتمامه= اوامرك مافيهن.. امرنٍ ..مهو..هام
يا والد الشعب الوفي.. يا امامه = شكراً من الشعب السعودي لك..شمام
شعب ٍعليه افضال جودك..غمامه= استرسلت في غيثهـا ..عم الانام
يرفع يديه لخالقه في قيامه=انه يمد بعمرك عقـود .. واعوام
يدعي لك وصدق الولا لك نظامه= وينعم بظلك في رغد عيش وينام
ينام مستامن ويهـنا منامه= ونفسه وعرضه دونها شرع وحسام
الحمـد للي رجعك بالسلامه= ولبسك ثوب العافيه عقب الاسام

سرور سفاح المطيري

المجد راس وفعلك اليوم هامه=حقايق ماهي دعايات واوهام
حقايق تبقى ليوم القيامه=تذكر على مر الليالي والايام
تشهد لبو متعب بحسن اهتمامه=وتقول ياراعي المهمات قدام
يامن خدم شعبه وعلا مقامه=يسهرعلى مصالح الشعب مانام
يحكم بشرع الله والعدل اقامه=يبذل ويسخي للفقارى والايتام
بشته ذرى اللي قاسي الوقت ضامه=وعدله نصر من يشتكي جور الاخصام
له وقفتن تشبه رواسي تهامه=وفي السلم سلم وفي المواقيف ضرغام
فرض على كل الشعوب احترامه=كلن يحبه جعلت ايامه اعوام
فيه الرجوله والوفا والشهامه=زيزوم قالات محنك ومقدام
يصعب على الشاعر وينفذ كلامه=في مدح ابو متعب يعجزن الاقلام
الله يمده بالعفو والسلامه=ويبقى لنا ويعيش نصر للاسلام

الشاعر /علي بن حمران القحطاني

المجد راس وفعلك اليوم هامه=حقائق ماهي دعايات واوهام
سميت وسمك سامي المجد رامه=حله وترحاله نزف حبر الاقلام
يدها دهات العصر عزم وصرامه=واكبر حكيم اليا وقف بين حكام
العدل نهجه والتواضع وسامه=والمنجزات أجسام عاماً بعد عام
وعدل يمامن قاد ركب الإمامه=والله جعل بالأرض للبيت خدام
كف تمد وكف فيها حسامه=والشعب اله في قبضة الكف صمصام
ملك اقلوبه بالوفاء والكرامه=وافي وباني بالوفاء صرح الاسلام
صرحاً على البيداء شموخ وزعامه=ويشيل حمل اللي من الوقت ينظام
فرض على خمس الكبار احترامه=تلجأ تحت ظله صناديد الأخصام
نجمٍ ليهواله على ركن ضامه=ورجل السلام بعقل وادراك والهام
وراع التواضع يرفع الله مقامه=وافضل دلايل جت باحاديث واحكام

نياف نماس السميري

المجد راس وفعلك اليوم هامه = حقايق ً ماهي دعايات واوهام
رفيق دربك رافقتك السلامه = ان سقت رجلك شام وان سقتها يام
مجدك فخر لامجاد قصر اليمامه =مثل افتخار المصمك بمجد الامام
راهن يابو متعب بذروة سنامه . =حنا حزامك والمواعيد قدام
حنا هل العوجا ليوم القيامه =لا غاب غشام العشا قام غشام
عدونا لو مايعرف الرخامه =لا شافنا يبطي من الخوف ما نام
من الخليج اليا سواحل تهامه=حكمتها بالعدل ماهو بالارغام
جودك على وجه الزمان ابتسامه =تسرق من عيون المحالات الاحلام
عمر التواضع مالتقى بالفخامه =الا من عقالك اليا روس الاكمام
طيبك عطى بحر المعاني زخامه =يقولها شاعر روى منه ماعام
جندي وطن مخلص واثار اهتمامه =منار حكام العرب عبر الاعلام

سعود بن مطلق المطيري

المجد راس وفعلك اليوم هامه =حقايق ماهي دعايات واوهام
أبيض وجه عدلك ولافيه شامه =وعينك على شعبك ولو جفنها نام
بالشرع والسنه بحكمك صرامه =يعيش منها الحق ويموت الاجرام
من قبل قرن وعقد قوم وقوامه =ومن بعدها ما دق للحرب دمام
نادى المؤسس في قصور اليمامه =أنا الملك والمجد والعز قدام
وبالدين كل الشعب زاد التحامه =وآل السعود اخير قاده وحكام
يا سادس الخمسه يا مال السلامه =في طاعة الله ما خذك لوم لوّام
لو كل شعبٍ قال يسقط نظامه =نقول ما نرضى بديلك فالأنام
خدمت للكعبة وزادت وسامه =وقبّلت وجنتها ولبّستها خام
والعلم ضد الجهل جرد حسامه =وانته بتفكيرك حكمته بالإعدام
مواطنك يحلم وهو في منامه =ويقوم ويحقق معك كل الأحلام

الشاعر نواف بن ناصر السلات

المجد راس وفعلك اليوم هامه =حقايق ٍ ماهي دعايات واوهام
يَـ اقْرب لشعبك من تِحِقق مرامه=واقرب عليه من الحقيقة للاحلام
اقسم قسم ياسيد نجد وتهامه =باللي جعلك لنصرة الحق مقدام
فلا تلوق لغيرك انت الزعامة=ياطود في وجه الملمات واَهْرام
ولآل السعود آل الفخر والكرامة=اللي بهم عِز العروبة والاسلام
ياذروة المجد الرفيع وسنامة =يادرع لِـ امْة (خاتم الرسل)وِحْزام
دمعتك سالت أطهر من الغمامة=وانت بضميرك شعب.. وبْحضنك ايتام
سالت وفا,عطف, وحنان وشهامة=ومن المحيط اهتزت قلوب للشام
دمعة وصارت للتراحم علامة =تعلموا ..كيف العدالة يـَ ِحّكام
الحمد لله رَجْعتَك بالسلامة=طهور ياوجه الليالي والايام
شف كيف بشّت بالوجوه ابتسامة= مْعّودٍ شعبك علَى ذْراعك ايْنام

اسعد الروابة / سوريا

اسعد ابراهيم المحمد

المجد راس وفعلك اليوم هامه = حقايق ماهي دعايات واوهام
يا رائد اصحاب السمو والفخامه = مدحك هدف واسمك شرف والحدث هام
اقوى ملوك الارض هيبه وقامه = واعدل من الميزان لا مال بقرام
المملكه في ظل هيبة حسامه = قدنا يابو متعب للامجاد قدام
اليا ابتسمت اتعمنا الابتسامه = واليا زعلت ازعلت قاده وحكام
والشعب مايحصي مكارم إمامه = ينعم من النعمه ويلبس من الخام
يوم(ن) كلٍ غارقٍ في منامه = عليه يسهر حارس الامن مانام
نامي تحت ظله يازرقا اليمامه = يظفي عليك اعن الملاهيب الاكمام
وحنا ليا جات الشدايد حزامه = الرجل منا فالمهمات مقدام
من الساحل الشرقي اليا اقصى تهامه = ومن الجنوب انذود عنها اليا الشام
موت العزيز ولا حياة الندامه = يوم الشهاده ضربة احسام لحسام

صقر خلف العتيبي(صقر المعتاد)

(الْمَـجْــد رَاس وَفِعْلُك الْـيَــوْم هَــامَـه = حَقّـايُـق ٍ مَــاهِـي دِّعَــايَـات وَوْهَـام)
أنْـت الْـوَطَـــن يَـاعِـز قَـصْـــرالْيَمَـامَـه = حَاكِـم حَـكِـيْـم ٍ عادل الْـمَـيْـل عَـزَّام
زَعِــيْـــم مَـجْـــد ٍ نَال ذِرْوَة سَــنَــامِـه = تَارِيْـخ مَـجْـدِه نَشِّـف ارْيَاق الاقْلام
مَـا يَنْحَـصـر يَـبْـقَـى لِـيَـوْم الْـقِـيَـامَـه = يَبْقَى عَلَى طُـول الْـزَّمَـن دُوَم مِقْدَام
ريف الضعيف اللي قِسّى الْوَقّت ضَامَه = يأْمُـر عَـلَى الْـفَـاقَـه بِتَنْفِيذ الإعِــدَام
لَو الْـكَــرْم رِجَــال هَــامَـه وَقَــامَـه = حط أسْم عَبْدِاللّه عَلَى صَدْرِه وْسَام
صَـقْــر الْعُــرُوبَـه مَاتَغِيَّر نِـظَـامُـه = جُنُوْبُهَـا وَالْـشَّـرْق وَالْـغَـرْب وَالْـشَّـام
لِلدِّيـن سَـخــَر كُـل جُِـل اهْـتِـمَـامِـه = سَخَّــر جَهْـوَدُه دُوْن شَعْـبِـه وَالْأَنَام
بِالْـحَــق وَالإنْـصــاف وَالإسْـتِـقَــامَـه = فِي ظّلَكُـم تَحَـقَّـقَـت كُـل الْأَحْـلام
وَالَّلُي يُـدَثِّــر صُـــوْرَة الْإَبْتِسَــامَـه = الْحَق وَاضِح مِثْل بَصَمَات الْإِبْهَام
يَاسَـيِّـدِي مِسْــك الْـكَـلَام وَخِـتـامُـه = دَامَت لَك الْصِّحَّه عَلَى مَُرّ الْاعْـوَام

معلا ابرهيم العتيبي

المجد راس وفعلك اليوم هامه=حقايق ٍ ماهي دعايات واوهام
ياسيدي من جيتنا بالسلامه=والخير بقدومك على ديرتك عام
الشعب بانت قوّته والتحامه=لحظة وصولك كانت افراح وانغام
يادار غنّي واسجعي ياحمامه=من يوم ابومتعب رجع والسعد حام
بانت على كل الوجيه ابتسامه=من يوم بثــيــت الأوامر بالإعلام
آوامرك وبل هما من غمامه=واستبشرت في مقدمه ناس ٍ حيام
ملك وهب للشعب كل اهتمامه= حوى العقول النيّـرة قبل الأجسام
ياخادم البيتين قامتك قامه=تاريخها مايحصره حبر الأقلام
لك من كيان المجد ذروة سنامه=ولبست لك من حلة الفخـر هندام
عهدك رخا,لا للشقا والندامه=عهد التطور عهد تحقيق الأحلام
انت بجبين المجد والعز شامه=وغلاك فوق صدورنا درع ووسام

شعر/ عطاالله بن ممدوح المضياني

المجـد راس وفعلك اليوم هامه = حقايـق ماهي دعايات واوهـام
من كفّك اللي زادت الخير قامه = تطلعْ نواوير الصفا خصب الافهام
في عين دفئ الليل تـهْمي غمامه = تسقي قلوب الشعب بالحب إلهام
تبقي الوفا ترقي الصفا في استقامه = من صلْبها عذب المنى طهْر الارحام
بسـطٍ جديـد بالشفا مستهامه = صار الولا له ختْم نصر بالاختام
لـمّا رآه الحب ألقـى لثـامه = في واحة الامجاد موصوف الاِقدام
من جودك الهطّال غنّت حمامـه = غنّت غصون الروح في كل الاجسام
سامي العلا فيض الولا باستدامه = مرسومة الاعماق في بحر الاِعظام
شمس بزهر الكف ترسي مرامه = ظل بزهر القلب مرفوع الاَجرام
فخر الملوك اللي بنبْع السلامه = ناشرْ قطوف المجد في صبح الاقلام
المجـد راس وفضلك اليوم شامه = عمّت جناح الكون في كل الانسام

شعر : عبد الرحيم كنوان /شاعر من المغرب