وسع الخاطر ـ الغزل والوجدان

وســـع الخـــاطر .. وخــــلّه يستريح=وخـــــل عيــنك . . يا بعد عمري تنام
الســهـــر يــثــر عليــــها يـــــا مليح=والـــزعـــل . . ســم المحبة والغرام
خــــل هـــمـــك عنك يا الغالي يطيح=استـرح . . واسمــع مضامين الكلام
ما نسب عني .. ترى ما هو صحيح=لا تــصــدق . . واجــد عيال الحرام
أو علــــــى مـا قيل بالهرج الفصيح =يــــوم شـافونا على أحسن ما يرام
ولــعـــوها .. بعود راك وعود شيح=لكـن النار . . أصبــحت برد وسلام
أجـــــرحوا قلبك .. وأنا قلبي جريح=مـــن جـــروحٍ فــيــك يا بدر التمام
صيحــوا عينك .. وأنا عيني تصيح=مـن صياحك . . والصراحة ما تلام
لـــــــو تطير من القهر ببساط ريح=مــــا عـليك . . ولا على مثلي ملام