من كثر ما حبيتها ـ الغزل والوجدان

سلمت لك وجـيوش عينك خذتني =أسيـــر ســـود عــيون عكشٍ مظاليل
أصغر جــروح الروح لا ناظرتني =جـــرحٍ بـــروحي كاسرٍ خاطري حيل
يـــاليـــتها عـــقب السلام منعتني=يـــوم أتــدخـل أعـتــبر نـفـسي دخيل
دخــيــل عــينٍ بالهوى ما حمتني=من سهمها الطايش على سبق الخيل
بسرقة صواع الملك ظلمٍ دهتــني=وأنـــا بـــريٍ والــــبـــراء رد من ليل
مـــن كــثــر ما حبيتها قلت جتني=واقـــفـــت وخـلت لي عذاب المقابيل
بـــالجــيد والمجدول يوم أسرتني =شـــدت وثــــاقــي بالعيون المكاحيل