رمــز الجــمال

يا سيدي زاد تعذيبك وطال الجدال=وأنا أشوف انك تهدي وشف وش ترا
ياللي غلاك أكبر من الوصف مالك ومال=الصده اللي تعـيّـفني لذيذ الكرا
وصلّـتني في محبتك النجوم العوال=ورجعتّني في تغليك وصدودك ورا
مشيت معك وسكت وقلت عل الليال=تذكره في تواضعنا وهو ما درا
يا اقرب من الماء لكفي وانت صعب المنال=الله يبيحك من اللي قلت واللي جرا
يا ميّس القد يالفاتن يا رمز الجمال=سرّيت قلبي على دربك ويمك سرا
يا شادٍ الريف لا يطغى عليك الجفال=وأنا بجنبك وصدري لك ملاذ وذرا

شعر الأمير عبدالعزيز بن سعود بن محمد آل سعود