عاتب

عاتب وعاتب والعتب راس مالي=عليك ياللي لك معزه وتقدير
من بينكم كني وحيد لحالي=الناس في خير ٍ وأنا منك في غير
أصيح انادي لك على راس عالي=أخاف من عجلات سود المقادير
أخذ الحذر من مقبلات الليالي=وقت ٍ تقلب بين زود ٍ وتقصير
ماهي حكايه منك ماطاب فالي=وأنا بفضل الله من خير في خير
أدير فكري من جنوب وشمالي=نشا السحاب وفرقته المعاصير
وإلا أنت عندي طول الأيام غالي=ومال الغلا في مثل ذا الحال تبرير
تفداك حالي ياحبيبي ومالي= وصحيح منقال الهوى يخلق اصغير
وجدي على جو ٍ من الناس خالي=ما شوف فيه الا الجدي وانت والطير