شـــوف العــزيز
1429-10-24 02:53 مساءً
0
2
69717
 |  | |
ما مثل شب الضو بين الصلاتين=قبل الفجر يشوفها كل ساري وشوف الرجال النادرين الميامين=واللي بعد ما ينقلون المزاري لا صاح صيّاح الضحى وينكم وين=تنادبوا عند احتكام الجواري وشوف السحاب وشوف تسعه وتسعين=برق ٍ هبوط اطيارهن اضطراري في مرتع ٍ ما دوجو به هل الظين=وداست أثاريهم فياض وخباري والبر شف ٍ عند الاقصى والادنين=ويا زين شوف فياض هاك الصحاري ولا من نزل وسط الحما أحمر العين=سمي أبو تركي بطيبه نماري عبدالعزيز العز طلق الحجاجين=ما اظن في جيله خلق له مجاري طيبٍ معرب ما يبي له براهين=مثل البدر بيّن بسود الغداري والوسم له داخل حراوي سبوعين=وهبت هبوب الفجر قبل السفاري وفاحت فياض ٍ مزهره بالرياحين=واخضر غصن ٍ من نواميه عاري والبر زان وزيّن البر ثنتين=شوف العزيز وشوف برق الحباري في فيضةٍ مخضرةٍ بين عرقين=عنها كثير الناس ماهوب داري وراع الحسايف بالولع يقضي الدين=أقفى مع الفيضه يقص الاثاري هذا ذكر جول ٍ وهذاك جولين=والصيد يذكر له مع الناس طاري واهل الطيور لنقلة الطير مشفين=والطير قد شاف الوزا والعزاري يكفخ من الحره كفيخ المساجين=يتل مقصور السبق ما يداري وهدّو حرار ٍ قاطعات وشياهين=في جرهدٍ تلقا بقشعه مذاري على ممارى ضجةٍ للمضحّين=تخامرت في مبعدات المحاري وفوق الوكور طيور مثل السلاطين=أقيامهن ما نالهن كل شاري ومن بينهم عند اختلاف الموازين=طير ٍ عليه من المحلل مواري فهد الحرار اللي على العسر واللين=تجبر به ضلوع الدخيل المثاري طير ٍ طرح في هدته فوق عشرين=وشك الخروب طيار ماله مباري طير ٍ له امجاد القلايع عناوين=أما خذاها طيب وإلا جباري أخوك عبدالعزيز بن سعود بن محمد آل سعود | ||
 |  |
