عز وادي حنيفه

يا نجد مالك قابليه بلا اياه= عز الرياض وعز وادي حنيفه
العيد والله يوم بالعين شفناه=أبو فهد هو عز داره وريفه
تطلع مطاليع السعد في محياه=وتامن به جموع البرايا المخيفه
ما غير ابوه اللي على العز رباه=مجد الكرامه في حياته رديفه
أخو فهد ومدلل المجد والجاه=ما ذكر بملوك الطوايف وصيفه
كل المكارم والوفا قضب يمناه=يمناً عن الأدناس غرا نظيفه
الله بعين العطف والعز يرعاه=زبن الحفيف اللي طمع به حفيفه
مر القصر مع طلعة الشمس تلقاه=مركا الأمور الكايدات العنيفه
لا جاه مرهون الزمان بقضاياه=عده على روس الخشوم المنيفه
ما عوّد الا منه تضحك ثناياه=عدل الحكم عدّل مزاجه وكيفه
اكثر من نجوم الليالي هداياه=خلا الرياض احلام والمجد طيفه
العرف والمعروف وردٍ على ماه=براق وسم ٍ مايوني رفيفه

ابنك المخلص / عبدالعزيز بن سعود بن محمد آل سعود