الشاعر صالح الحقباني

من عميق الفكر وردت الحروف الحيه=كل حرف\" من قصيدي يرجح الميزاني
لاقبلت غر البيوت اقبالة الجاهيه=تعجب ارباب العقول اميزت الالحاني
قلتها في طيب\" لأهل الكرم رمزيه=لو يجي حاتم يحطه سيد الكرماني
الأمير سعود راعي النية البرحية=صادق الوقفات لامن قلوا الصدقاني
صامل الفزعات لاشحوا هل الماليه=ما حسب للمال لازوده ولا النقصاني
لا وقف للي دهته ظروفه القهريه=يبشر بعزه لو ان الراس له دياني
للوفا والدين واصناف الكرم مارية=فايزن بالمرجله والطيب له عنواني
كل ما جا من جميله عندنا طاريه=نرفع ايدينا وندعي له عظيم الشاني
الكبير الله وهو دايم كبير فيه=عن سموم القيض ويذري على البرداني
ياعسى عمره طويل ولا تجيه السيه=ويحفظ الله راعي الاحسان بالإحساني
الامير سعود دايم سيرته مبنيه=صرح جود\" ما يغيره الزمان الفاني
و أرث اقروم\" حرار\" في نهار الهيه=بالشجاعه تذهلك لا طبت الميداني
ما خذين\" من سعود الندرة الفكريه=والتواضع والكرم والدين طبع\" ثاني
منهم السامر حلاوة منطقه عفويه=لا هرج عبدالعزيز الطيب الإنساني
فيه من منطوق ابومتعب سمة فطرية=وان تبسم شفتنا في بسمته سلطاني
وان تلزم كنه نايف قايد الأمنيه=وان تحزم بالعدالة سيدي سلماني
في الأدب والشعر دايم بصمته شخصيه=يثري الساحة بشعر\" يطرب الزعلاني
من كرم عبدالعزيز الساحة الشعرية=تلتجي به عن ردى المعنى وقل العاني
ولاذخر ماله عن الجمعية الخيرية=منفق امواله رضى\" للواحد الرحماني
والسلام ختام قيفان البيوت الحيه=كلمة \" تحمل مشاعر صالح الحقباني

الشاعر / صالح الحقباني