السامر و رائد بن عبدالله العقيلي

إيه أنا حبيت وادري الحب جلاد القلوب =ومن عشق طهر الذنوب يتوب عن باقي ذنوبه
احتويني يالمناخ الريف لا هب الهبوب =ما تغطين الكريم اللي عطا البردان ثوبه
طحت بيدك طيحة المقدام لا طاح مغصوب =إن قتلتيني عقوبه وان تركتيني عقوبه
الدروب اللي مهي للقاك ما تحسب دروب =والعذاب اللي ما هو لرضاك اعتبره عذوبه
إن صدقتي كل صادق من بعد صدقك كذوب =وكل كذبٍ غير كذبك صدق لو منتي كذوبه
التفتي لفتة الحكام لوضاع الشعوب =واستدرتي دورة الخوان في حزب العروبة

من عشق طهر الذنوب يتوب عن باقي الذنوب=يـرفع الـرايـه ويعلن عند غـض الـعـود توبه
جدد السـامـر جروحي من شـمال ومن جـنـوب=واستهاض الفكر مثل الغيم في منشى غروبه
واسـدلـت كـل الـمــشاعر غيثها من كل صوب= لـيـتها عــدت ولا هــلـت ولا ذقــنـا شــروبه
حالتي من حالـتـك يـاراعي الـشـعـر الــعـذوب= احـسـب إني قـد سـلـيت ولاني مْدور دروبه
لكن إني عـقــْب قافــك شـاقنـي الـريم اللعوب=ورحـت ادورْه ويـقـديـني لـيـا هـبـت طيوبه
صرت مثل القدس يبحث عن سلام ٍ مايذوب= لو يـطول الوقت نار الحرب ماتثني شعوبه

رائد بن عبدالله العقيلي