الشاعر / مدغم أبو شيبه السبيعي
1428-12-22 08:25 مساءً
0
0
45898
 |  | ||
على وجه الرسول المصطفى الهادي صلاة الله = موحدنا على درب الهدى والدين الإسلامي وعلى عبد العزيز بن سعود من السلام اغلاه = موردنا على نهر الفخر والمذهب السامي سلام بالفخر يكسيه من مبداه لمبداه = يخطه في الورق دم القلوب وحبر الأقلامي على اللي نصف نهضة وازدهار الأرض من يمناه = بعد ما سمنت روس الضبا عملقت الأقزامي تعلم كلمة ابشر بالسعد وخذ الذي تبغاه = قبل يبلغ تسع ليلات سود وعشرة أيامي ثلاث يشبهنه من شعر راسه الي مطاه = قرينات الطبايع والأسامي غير الأسامي نهار تسفهل النفس من أوله لتلاه = يفوح العشب ويطيح المطر وتهب الانسامي وبحر ياخذك موجه وشاطيه وزراقت ماه = ويرسم في خيالك لوحة من دون رسام وحلم تنقر الشيبه رضيع الديد ما يلقاه = لا في الغفلة ولا في اليقظة ولا في الأحلامي عظيم لو نسى التاريخ دور الرسل ما ينساه = صداه أن سولفوبه في اليمن تلقاه في الشامي حباه الله قبول وراحة تندا كرم وغناه = عن الدنيا بحب المعسرين وحب الأيتامي ليا اعطى الجايع الضامي نوادر كفه المعطاه = يروح مية سنة قدام لا جايع ولا ضامي يذكرك الجبل لا تقدر تشيله لاترقاه = تخر لهيبته روس الطغاه وروس الأصنامي أبو راشد اليامن الهبايب مرت بطرياه = نزعت القبعة قدامها وأشرت ببهامي أبجل واعترف بالظاهره والنعمة المهداه = سعد عين الفقير وراحة في نفس من ضامي على من يمدحه يمسك عصى موسى مع المثناه = إذا ما هوب في الابداع متنبي وتمامي مثول الشعر بين يديه يزهاني قبل لزهاه = أكفر به ذنوب العام واللي من وراء العامي خيالات من الإبداع مجلوبة ومستوحاه = تليق أبها منصات القصيد وخضر الأعلامي وأنا يا سيدي ما احتاج لي نشدت ثنين قضاه = شديد الانتماء وهيئتي توحي وهندامي بأني لو جفاف لعمر يلحق روضه التنهاه = لا سيلها من دموعي ولا زرعها من عضامي أنا والأرض والشعب السعودي ون طلبت اسماه = بني جلدي وبذرة تربتي وأبي وأعمامي عطيناه الولا والطاعه العميا وبايعناه = وشاركناه في زرع الورود ونزع الألغامي رهنا روسنا ورقابنا وكبودنا لرضاه = عرضناها على بيض السيوف وراحت أقسامي ولا صلى مصلينا صلاته لمر في دنياه = ومن بعد انقضاء الأمر لا صلى ولا صامي لكن يا سيدي مابه بخيل إلا بخيل الجاه = وأنا ماني مرخص دمع عيني وأنت قدامي الشاعر / مدغم أبو شيبه السبيعي | |||
 |  |
