الشاعر سعود بن عالي المطيري
1428-10-02 11:31 مساءً
0
0
17446
 |  | ||
أبذكر الله يوم جتنا التباشير =حنا فرحنا فرحة ٍ ما بعدها جانا هديه من ولي المقادير =شيخٍ عضيدٍ للشيوخ وسندها بشرى راشد عندنا وقعها غير = بنفوسنا يا مير تبقى وحدها سليل من فعله تعدا الأساطير =اللي مراقيب المراجل صعدها وسعود جده ما يعرف المعاذير =ما جاه راعي حاجة ما وجدها والجد الآخر راشد الراي والغير=أفعال بن مكتوم كلٍ حمدها وخاله محمد له معزة وتقدير =شيخٍ ليا عقدت يفكك عقدها من شجرةٍ فيها زهور ونواوير =يا رب تحميها ويارب زدها ليا ثارت الهيجا وراحت معاصير =في ساعة مراضبها أشد ودها أنتم لها ما هيب ويا التفاكير =أنتم سلاطين البلاد وعمدها تردون مراد الظوامي على البير =مثل المزون اللي يزلزل رعدها يوم الملاقى تنطحون الطوابير =لكم شهادة حق كلٍ شهدها مبروك يا روس الرجال المشاهير =وأهل الحسد يموت فيها حسدها يا شاعر آل سعود جذل التعابير =بقصايد ما شفت غيرك قصدها ملفي النشاما بالليال المعاسير =اللي من الدنيا تردي جهدها فتحت بابك للوجيه المسافير =ناسٍ تجيلك عانيه من بلدها جولك ورود وبشروهم مصارير =بواردٍ يا سعد منهو وردها ذكرك علا بالطيب والشعر والطير =ومواقف وشلون نحصي عددها وان جت أصقار من خيار الصقاقير=بشقر الحرار اللي ينومس هددها عادتك دايم ما تحسب المخاسير =كم نفس من فضلك تبدد نكدها كم واحدٍ كانت همومه مزابير =وبأسبابها مافيه ليله رقدها ومن عقب ما مديت يمناك يامير =أصبح ونفسه ما يوصف سعدها والطيب ورثك من شيوخ مناعير =اللي على الميعاد يصدق وعدها والمعذرة لا صار في القول تقصير =حنا فرحنا فرحةٍ ما بعدها الشـــــــــاعر / الشاعر سعود بن عالي المطيري | |||
 |  |
