الشاعر / صالح علي المويس الهاملي

أبدا بذكر اللي عليه اعتمادي = الواحد المعبود قسّام الارزاق
بسماك يا سمّاك سبعٍ شدادي= يا باسطٍ سبع الاراضي بالاعماق
بحور القوافي لابو راشد اتنادي = وان قبل لا اجاوب الصوت تواق
سر ياقلم واكتب اطروقٍ إجدادي= مثايلٍ يطرب لها كل مشتاق
باللي تعلى فوق ظهر الشدادي = وبلغ سنام المجد والعز له ساق
واليا حداك امن اقشر الوقت حادي= ودنياك ضاقتبك وبحر الفضا ضاق
وكلٍ تنومس وقال ذخري اسنادي = ذكرت من لا غاب جاشي له اشتاق
روس الرجال اهل الشرف والمبادي= اللي لها تاريخ واجذور واعماق
اهل الكرم واهل السيوف الحدادي= اللابه اللي ذكرها يشرق اشراق
زحول الرجال اللي نهار الطرادي= اللي ليا شطت ونشفن الارياق
مروين حد امصقلات الهنادي= لا ركب الموت الحمر فوق الاعناق
اللي ليا عجت ونادى المنادي= خيالهم يشفق على الموت مشفاق
يردون فوق الصافنات الجيادي= حياض المنايا لا اطبقت سبع الاطباق
وفعلٍ إلنسل العود ما هوب عادي= بمناسبة خمسين عامٍ الأوفاق
ومني عدد ما سال شعبٍ ووادي = وعداد سيلٍ سابقٍ في الارهاق
على الامير اللي له العز بادي= حرأ نهل من منهل العود ترياق
السامر بن سعود علمٍ وكادي= اللي لفعل الطايله دوم سبّاق
حراً شهر صيته بكل البلادي= له رايةٍ رفرف علمها بالافاق
ومن طيب راسه طيّب العرف زادي = كريم سبلا تنفق ايدينه انفاق
امير ومعرب ومسكن وكادي = واذكار مع زود التواضع والاخلاق

شعر:صالح علي المويس الهاملي
5/7/1428هـ