الشاعر /صالح بن علي المويس الهاملي

سلام لعيال الحمايل هل الجود = للي تعلو فوق روس المراقيب
حمايلن ما تقترب كل منقود = كسابة الناموس وأهل المواجيب
نسل الشيوخ اللي لها الذكر محمود = روس الرجال أهل الوفاء ماكر الطيب
سلايل الفريس والنادر سعود = شيخٍ له الأفعال غصبن بلا طيب
ومنهم اخص الحر سلايل العود = فرز الوغى حلال عسر المناشيب
أمير وابن أمير ومعرب أجدود = عبد العزيز القرم حسن الأطاليب
من لابتن ترسي كما يرسي الطود = مدهال من صكت عليه الكواليب
ويالصامل الصنديد ياكايد الكود = يا راعي الطولات عطب المظاريب
بالطيب ما يذكر على طيبكم زود = وأفعالكم منها الولد راسه يشيب
وتنحل بيديكم شرابيك واعقود = صميدعن لك بالشدايد تجاريب
ويا مير عصمان الشوارب لك أشهود = وترفع لك البيظا على الراس يالذيب
والبيض يا بن سعود ما هي كما السود = ولا ني أمجنب عنك يامير تجنيب
واللي كتمته زاد بالخافق الهود = شيءٍ يكدر صافيات المشاريب
ولولا الحيا لولا الحيا باحت أسدود = يامير أنا وأونست وقع المظاريب
واليوم أنا ناصيك ماعنك صدود = وشجاب للعد القراح الدغاليب
وكم واحداً وردته أعدود و أعدود = يوم المراجل تحظر إرجال وتغيب
قلته وأنا ما ني على الشين محدود = ولا نيب من يحتاج بعض الأساليب
يامير جاك اللي من الراس منظود = بإجهار والاسرار وسط الدوليب

شعر:صالح بن علي المويس الهاملي