عاصم بن سعود السياط

سلام يا اللي جزلةٍ مد يمناك = سلام يا فكاك عسر الشرابيك
أفداك انا يا السامر أفداك افداك = والعين معها الروح والقلب اهديك
يا شاعر آل سعود من قبل لقياك = حبيتك وحبيت شعرك وطاريك
والله يامير الصخا القلب يهواك = ومن صغر سني يا السنافي وانا اغليك
كنت اتبعك وقلدك واتمناك = في لبسك وشعرك وعالي مماشيك
والله يعز اللي على الطيب رباك = سعود ابو خالد سعود المهاليك
يا حظه ببرك وطيبك وملفاك = بالمختصر يا حظه بكل مافيك
اشفق على شوف الحلاحيل شرواك = عسى الشقى والهم يا امير ما يجيك
ربي يعثر اللي نواك وتبلاك = ويحميك ربي من حسود يعاديك
المدح عندك واقفٍ ما يتعداك = جالك واصبح راكعٍ تحت رجليك
الطيب يالسامر بلا شك خواك = شفته بعيني ساكنٍ بين اياديك
يا ما حلا شوفك وطلة محياك = في كل شئ خالق الناس حاليك
ناخت ركابي عند بابك لرجواك = في كل شي خالق الناس حاليك
عقبت شبلٍ واصلٍ حد الأفلاك =راشد ولدك الله يحماه ويحميك
متمرجلٍ من صغر سنه تقفاك = هذا الشبل من ذا الأسد دون تشكيك
الله يزيدك فوق ماقدهو اعطاك= والله يا ابو راشد بعمرك يهنيك
حنا اليا ضاقت علينا نصيناك = ويبشر بعزه كل من جاك ناخيك
ومن قبل اختم قافي اللي تعناك= أنا مثل راشد ولدك وانا افديك

شعر: عاصم بن سعود السياط