محمد العنزي

مبداي باسم منزل آيات الأنفال =فرد ٍ صمد والمسلمين اخضعوله
الواحد العلام في كل الأحوال =منه استمد العون وأرجو قبوله
وأبدى بقاف ٍ يشرح القلب والبال = قافٍ يشرفني وأنا جيت أقوله
ساعة لمحت اللي لنا فيّ وظلال =وانزاح همي مع بشاير وصوله
حقيقة ٍ ما هي سواليف جهال =ولاهي هروج منمقة ومعسوله
الشعر له صوت ٍ تقل صوت زلزال =اليّا اسمعوه الصادقين انصتوله
وأنا قصيدي لا تغنى بالأبطال =له صفقوا من يعشقون البطوله
اللي لهم في ذروة المجد منزال =ساس الوفا والطيب نبع الرجوله
آل السعود بطيبهم مضرب أمثال =عز ٍ لنا والله بهم عز دوله
حكامنا اللي فيهم المجد يختال =وهم الفخر مابين صوله وجوله
هم عزنا..هم ذخرنا وقت الأهوال =وكلٍ لشعبة يبذل اللي ينوله
ومنهم نصيت معرب الجد والخال =شبل ٍ بنى مجده بمهد الطفوله
للشعر غيث وللصعيبات حلال =نادر ورأس المجد غاية ميوله
هذاك أبو راشد بلا شك وجدال =حاتم زمانه كيف أوصف فعوله
دايم وكفة سيد الجود همال =مثل المطر لأهل حزت هطوله
من يسمع بطيبة مع الناس يهتال =وشلون أنا..اللي شاف فعل ٍٍ يهوله
من شاف فعلة بالمواقف والأفعال =يبقى على طول الدهر في ذهوله
في ذمتي ما قلتها مقصدي مال =يشهد عليّ الله ويشهد رسوله
يا سيدي حشمة.. وتقدير ..وإجلال =فيك أفتخر والشعر مسرج خيوله

شعر: محمد العنزي