الشاعر / ياســر التويجــري
1428-04-08 09:29 مساءً
0
0
56079
 |  | ||
أغيب وغيبتي عنوه واجي واعالج التقصير  أجيلك من تناديني واجي لو ما تناديني سلام بكل ما يحمل من الإجلال والتقدير على الضلع المتين اللي عن الأعداء يذرّيني احبك من نهر دجله إلى العارض وقلب تمير على المظهور وموارد زبيده والبساتيني احبك حب لو يعرض على جماعة التكفير عطوا فتوى بتكفير انتشارك في شراييني ليا من غبت أنا ياسر وتبقى يالأمير أمير يحبونك مشببة الدواسر والقحاطيني عليّ تضيق لا مني فقدتك وين اروح أطير أضيق بوسعة الدنيا زعل وتضيق في عيني يا راس المال واحساس البقاء بعالم التزوير يا درعي يا سنادي يا كتابي يا عناويني يا شمس الصبح لا نشّت لا بالله لا ياشمس عصير ليا ذبحت على روس الخزامى والرياحيني لك الكف المبرمج للعطاء والعون والتيسير عليه شهود من فوق البسيطة بالملاييني سلام بكل ما يحمل من الإجلال والتقدير على الضلع المتين اللي عن الأعداء يذرّيني أغيب وغيبتي عنوه واجي واعالج التقصير أجيلك من تناديني واجي لو ما تناديني شعر : ياســر التويجــري | |||
 |  |
