السامر و سعود بن فيصل آل شبيب السبيعي
1428-03-14 09:02 مساءً
0
0
43771
 |  | ||
لا باس يا راع الوفا و الشهامه= من حب نجد و حب أهل نجد حبوه هذا يقدم لك غلاه و سلامه= يا أكرم كريم ٍ طول الأيام زاروه بيدك الكريمه صافحتك الكرامه= يا بوي واحظ الذي مثلك أبوه مجدك على هامات طيبك عمامه= العز بسمك يا أبيض الوجه سموه ما مثلك أحدٍ طيب راسه غرامه= فعل ٍ هل الطولات بالعين شافوه في عينك اليمنى لطيبك علامه= و في عينك اليسرى سقم كل مشبوه على البخل عندك تقوم القيامه=من قبل أقوله قبلي الناس قالوه شيخ ٍ على العليا رفيع ٍ مقامه= ليا جا مجالك قالو اسعود خلوه خلو فنار الطيب غاية مرامه= مجد الجدود اللي من العز جابوه أسلم لنا يا بوي مرفوع هامه=سلامتك من كل شر ٍ و مكروه | |||
 |  |
| | ||
لبيك يا شيـــخ دليل كلامــــه=انـــــا بلبيله و لا جــــواد لبوه عبد العزيز اللي خواله عمامه= سعود و محمد و سلطان نادوه كل الحجاز و نجد شرقه و شامه= قبائله جو لأبو خالد و هلوه يدعون له بالعافية و السلامة= ليل و نهار بغرفته ما تعدوه هداج تيا فايضات اجمامه= لا عطشو العربان بالقيض وردوه بحر اندى شيخ السلف و الجهامة= الله لا يقطع رجاء من ترجوه غيث على كل الجزيرة غمامة= سيله سبق برقه و نبله تحروه نفحت عبيره بالنفل و الخزامة =يشرح صدور الناس لا منهم جوه من الخليج إلى سواحل تهامة=كل الرجال إلى توازو تنصوه تاج الفخر و الطيب يلبس وسامه=لا عدو أهل الطيب و المجد بدوه | |||
| |
