الشـــاعر / مفرج بن شويه
1428-03-09 07:17 مساءً
0
0
25335
 |  | ||
يا الله يا اللي ما به احد نناجيه = غيرك ولا غيرك إله نجله يا عالم بالحال والعبد يكفيه = ذكرك وسبحانك لك الأمر كله والشعر هاض وهيضتني معانيه = والقلب جاه اللي من الوجد تله وليل الرياض أمست حزينه حواريه = حتى المجالس كلبوها ممله من عقب ما سافر عن القصر راعيه = لا عود يغرينا ولا هيل دله عبد العزيز بن سعود ويكفيه = اسمه ويغني عن جميع الأدلة ليته زهم لي يوم روح وأخاويه = خوته تغنيني عن العمر كله من كثر ما أحبه وأقدره وأغليه = أشفك على شوفه وجيت محله هو تاج راسي ذخري اللي مسميه = (( شيخ الرجال )) وكلهم تحت ظله الشامخ اللي كل وجهٍ يذريه = مثل الجبال الراسيات المظله الساطي اللي لا عطى الموت كفيه = فعله يداوي كل كبدا مغله الفارد اللي مجد الأيام كاسيه = فعايله مثل الشموس المطله النادر اللي كلمته بس تكفيه = لا عودت ما بين خله وخله حر حشا ما خاب من كان قانيه = تعجبك لا منه كفخ هدة له حر قرانيس الحرار وسواطيه = تهاب من كفه ومن سطوة له أسطورة بالعصر والكل يرويه = وبالمرجله يا كثر ما في سجله هذاك أبو راشد سعوط المسافيه = اللي علوم المرجله خصلة له هو ذخر من دابر زمانه معنيه = وهو عز من شاف الشقا والمذله أكرم كرام الوقت وأدهى دواهيه = وأعز وأشرف من له الطيب مله من جود مداته وما تنفق يديه = ما كنه إلا غيمة مستهله غيث تشوف الناس تردم حواليه = ليا جهمت غبرا دهر مضمحله وإن عودت و الأمر جاء فيه ما فيه = لا من وقف يعني يحله .. يحله شبه الجزيرة والخليج نواحيه = من طيب فعله حطها ماكر له ست الدول بالمرجله تفتخر فيه = وبالطيب أسس سابعة دوله له لا من حضر كل المراجل تناديه = ولا غاب ذكره بالبلد كافي له ما أشبهه بفلان وفلان وأتليه = لأنه زعيم ولا خلق من وصله ما خلق مثله بالزمان ولياليه =والطيب جامع كل دقه وجله أي والله أنه ما أبه أحد يحاليه = يا عنك ما مثله رجال وجبله يزهى بثوب العز والعز زاهيه = وبالفعل بلسم كل نفس معله ويا سعود يوم أنجبت سيف بحديه = سيف يقص من العظام المجله يكفيك لو ما أنجبت غيره ويكفيه = فخراً مع الأيام أنك أبو له كم شايب لا شاف وجهه يناديه = يقولها .. يا سعد منك ولد له وكم واحد لا جاله ابن يسميه = عبد العزيز وعلها خيرة له هو عارف إنه ما أبه أحد يساويه = لا شك باسمه في الزمن راجي ٍ له وياللي بغيت الطيب بأسمى معانيه = سير على كحيلان في مجلس ٍ له وتشوف شيء فوق وصف وتشبيه = وضحكة حجاج ٍ دايم ٍ مسفهله والله يطول في مداه ويخليه = ذخرا ٍ على طول الزمان والأهله وطلب عسى المولى يزوده ويحميه = ويجعل سنين أعمارنا فدوة له ويا جعلني ما اشوف يومه ولا أبكيه = ويا جعل يومي قبل يومه وعله وياللي نويت تروح يمة حراويه = قله وقله ثم قله وقله من كثر ما أحبه وأقدره وأغليه = أفز حتى طرى طاريٍ له أبوي وأخويه وتاجي ولبيه = أقولها لأسمه ولو فالمجله وقله عقب ما غاب كل يناديه = وحتى المجالس عقب وجهه ممله شعر : مفرج بن شويه | |||
 |  |
