الشاعر /عبد الله بن عون

يا من بيوت الشعر تنقاد أمامه = ولين نظمها دله الله على الزين
ياخذ من الموضوع ذروة سنامه = وباقي الرخيص يجنبه للمقلين
عبد العزيز اللي بعيد مرامه = شيخ ٍ بوجهه للمرجل عناوين
مواقفه تفرض علي احترامه = وحقه ومقداره على الراس والعين
ومدحه لخوه اللي شريف نظامه = بالعدل والرأفة بحال المسنين
رجل المواقف دايم الاستقامة = ملجا اليتيم اللي فقد بر الأبوين
ومسعف مريض ما تشيله عظامه = لو ما يتم علاجه إلا ورا الصين
وملجا ضعيف جابر الحمل ضامه = وابن الزعيم الي يضد المعادين
اللي وضع نفسه محل الخدامه = للمسجدين الطاهرين الشريفين
أخوين والشاعر يتالي ختامه = بالعز والتوفيق يدعي للأخوين
وما دار في باله وزبدة كلامه = ما غيركم اخوان نوره سلاطين

شعر :عبد الله بن عون