السامر و غيوض

هرج القفا ما يشحن اللي يعرفون = ولا يصدق به بعيد الهقاوي
نقول للي من مقامك يغارون = يالله عساكم عرضت ٍ للبلاوي
ندعي عليهم خالق كون الكون = ربٍ به المظلوم دايم رجاوي
عن ساقة اللي غافل ما يغفلون = يخاون عرضه بين هاوي وعاوي
من خالق ٍ فوق الملا ما يخافون = بلسان سيل أهل النمايم نحاوي
الله من عرض ٍ عن العيب مصيون = وبالزور والبهتان خلوة غاوي

يا ناس ياللي بأزرق الكذب تحكون = كفوا سخيف هروجكم والحكاوي
يا أخهل النميمة والحسد ويش تريدون = لا تبهتون أهل الشرف بالدهاوي
اللي يطمن خاطري يا أهل الدون = إني ما خاف أهل ألحكي والشهاوي
إخوان يوسف ليه لناس تدهون = اللي يجازي كل بادع وراوي
يا طالحين الناس فيما تقولون = أهل الغلا ما يسمعون الدعاوي
الله يجاويكم على ما تهرجون = موت بغيض وحط الامه سماوي