السامر والشاعر عبد العزيز بن فلاح الدغيلي العتيبي
1428-02-21 10:41 مساءً
0
0
34017
 |  | ||
تعطيني الود وإلا تأخذه مني = يبلغك قلبي المقفي تحياته اليوم يا صاحبي رد الخبر عني = ما يرخص الغالي إلا كثر غلطاته جارت علي الليالي وأخلفت ظني = والحب ما عوض المجبور ما فاته ادعي شفوفٍ تجيب أرضاك ما جني = شاحت عن الغالي اللي شفت زلاته حمامة الحب فوق النايفه غني = في وادي تطرب الأسماع جراته قصايدي يومة مات الحب ينعني = في مقبل الوقت يالغالي سلاماته ياللي برمح الغلا تسطي وتطعني = وأنا معك خافقي محبوس غاياته تبي الحقيقة عظيم الشوق ما أوهني = اليوم ساوت حسان الحب سياته أببتعد عنك قدر اليوم ما أمكني =ما هوب عيب يعاف القلب مشهاته بغيت عنك العزا مره وردني =مشاعر نصرها يلفح براياته العام وإلا يجن اليوم ينهني = عن حبك اللي جروحي من نهاياته لك ذكرياتٍ جميلة يوم مرني = ما وسعت خاطر تسعى لمرضاته واليوم لولا الموده ما ضحك سني = وما شن قلبي على فرقاك غاراته ونوازع الطيف ما جني وزارني = في وحدتي تهدي الخافق مسراته هذا وأنا خافقي للحب ما حني = قلبٍ بعد به مكان يحب هيهاته | |||
 |  |
| | ||
يا مير ريشة يراعك تملي الفني = خيال فنك وصل بالشعر غاياته مراكب العز صوبك جن يحدني= في جحفلٍ تنشر الآداب راياته أمثال يعني بها الملتاع يشجني = هاضن شجون بقلبي ضمن طياته فرايدٍ من بنات الفكر شاقني = غنى بها كل صبّ منكرٍ ذاته بها الحمايم على الأغصان يشدني = لحنٍ شجي تشوق القلب نغماته أنا أحسب إن القوافي ما يطيعني = حتى تمليت من شعرك محاكاته الشعر ما يستجيب لكل ما تمني = إلا لمن يغوص بعمق غباته للسامر فنون بدع القاف يعزني = نظم اللاليء دليل لوصف قدراته من هم بمسايره يذعن ولكني = نويت أبدلي بدلوي في مجاراته يا مير مثلك له حبالٍ يطولني = حيثك حصان تهد الصعب هوماته انت الأديب الذي بالحكم متأني = من سار بالعدل يربح في مقاضاته ليا صار بعض العرب يلعب به الجني = ما يرجى من تحكم فيه نزعاته اللي هقاويه تخطي ما يصيبني = يكفيك عن عشرته تغير نباته من لا صفا لك دعه لعل ما يثني = خله مع الوقت يطوي في سجلاته وازكي التحيات بالأشواق يهدني = لا ميرها اللي شهر من طيب هقواته | |||
| |
