السامر و الشيخ محمد بن راشد آل مكتوم

الله اللــــي بـــــالشـعر كمل حلاك=والعـــــيـــون الســـود ورموشك معه
في شعاع الشمس لمحه من بهاك=والقـــمـــر وســــط المـحـــــيا مطلعه
والله اللي ياهوى محـــــمد عطاك= الجـــمـــال اللــــي عـــن الغيد أمنعه
احترق زين العذارى فـــــي سناك=فـــي ســـــنــــا نور الجبين وملفعه
ما تعصّي يـــــا نظر عينه عصاك= والهــــوى يـــبــــغى شفوفٍ تتبعه
كان لك خلٍ مــــن الفــــرقا ظماك= مـــا لـــقــــاك إلا بـــعــــد وتودعه
إرحم اللي بــــاع غيرك وإشتراك= ونور وجهـــك خــــل عينه تشبعه
رد راسك للـــذي يــــتــــبع هواك=ومــــــد كــفــك بالوصل لا تقطعه
أنتثر شوقه لشوفك في مـــــــداك=وأنــــــــت مـــا فكرت يومٍ تجمعه
رغم هـــذا اليوم قلبه مــــا نساك=كـــــل حــــيٍ شــــف باله مربعه

في جمالك سحر ..وعيونك هلاك=الـــــوضيـــــحي منك سارق مدمعه
طبعـــك أنــك ما اتصنع مستحاك= خـــذت لفـــتـــات الغـــزال ومرمعه
أرفــــع المنشول لي داجه كساك= لــــف منـــشــــول السبايك وارفعه
غط به نور البـــياض اللي زهاك=خــــل مـــنــــشوله يغــطي مفرعه
لا تشوفك شمسك اللي في سماك= لـــو تــــشـــوفك تنخى لك خاضعة
البدر يبدي خسوفه مــــن ضياك=كـــيــــف روح فـــي هواك امولعه
في لقاك أكون في حــــال ارتباك=وكـــــل شــي يختلف عن موضعه
اصغــــي لصوتك ولا جاني نداك=اتجاهــــلني وصــــــوتي تسمعه!
تـــاه قلبي غصب عني في هواك=لـيــــت مـــن خذه بظلايم .. رجعه
المحـــب اللـــي باحساسه رجاك=عـــمـره الــــغــالي بوهمك ضيعه