الشيخ محمد بن راشد آل مكتوم

سامـــــرت لحنــــك بــــإحساسي وغنيته=بـــأبــــيات عــــذرا منـــقـــايه وموزونه
يــــاخــــوي يــــا صـــاحبي يامن تمنيته=دايـــم بقـــربي وحــــال البعــد من دونه
عــــبــرت لــــي عن شعورٍ دوم حسيته=مـــثــــلك بنفس الــــذي مثــــلك يحسونه
وأنت الأمير الشهير اللــي علـــى صيته=وأهــــل المكــــارم بطيب الـذكر يطرونه
مـــملكة لاشـــعـــار تـــشــهد لك بتثبيته=وبـــتــــاج لها تـــاج تفــخر به وممنونه
تـــنسب الـــى بــيـــت مجــدٍ يوم سميته=لأ طيات في اسمه بطعـم الشهد مقرونه
عـــبــــد الـعـــزيز الأمير المنتسب بيته=لسعـــود ثــم لمحـــمد اللــــي يعـــــدونه
احفـــــــــاد عـبـــد العـزيز بنعم خصيته= مــــــنـــجا وملجأ لمن بالحق ينصونه
خـــوفٍ لمن خالف الشرع وخلف دينه=وأمـــنٍ لمــن حالف التوحيد واركونه
فـــضــلك علــــى الشعر غليته وعليته=وطـــوقــت جـــيده بعـــقد بــاهر لونه
نفحت روح الأمــل في القاف وأحييته= وعـــيـــــنٍ بمعجز فتونك دوم مفتونه
تمــــلك معـــانيه في سبكه وتصــفيته=وتـــجـــيد عـــزفك على نايه وقانونه
سمـــعـــــت فــنك ومن الأعماق لبيته=وحـــــقٍ علــى السامر إخوانه يلبونه
ويا خوي أشكر شعور أبصدق أهديته= واقـــبـــل تحـــيــات بالتقدير مرهونه
فـــــي حفظ ربك ومع شهمٍ بلغ صيته=فـــوق الثريا ونور الشمس من دونه
نلـــــت الفخر يوم عالمقناص خاويته=هــــذا الــــزعيم الذي بالروح يفدونه
شيــــخٍ علـــى هـــــامة العليا تهاييته=يحـــب شـــــعـــبه وبني شعبه يحبونه
لــــو تـــنـــــفع اللي تمنى قول ياليته=يـــاليـــــتــــني في المحل اللي تودونه
مامثله اللـــــي نلقى والله مـــــا رأيته= كـــمثـــل زايـــد وإخــــوانـــه يلبــونه