النوافل
1427-12-21 05:52 مساءً
0
2
40167
 |  | ||
مجد الحساني في وجيه الرجاجيل= أبلغ معان النفس واعلا رتبها إلى بذلت الجاه ما قالوا بخيل= والمال بذله من مقادم وجبها علق رجاك بكايدات المناويل= واحسب حساب المقبلات بعطبها باكر على وضح النقا يطلع سهيل= ويكَذّب الحَسّاب والخلق نبها العَجِل مايصبر على الحط والشيل= تغلبه الايام وإلا غلبها لا دم سيل النو لا تنطح السيل= والمقفيه لا تعترض في سببها المترفات الضاريه بالمواصيل= أحذرك لا تنجرف مع عجبها يمكن يجيك العز هيل ٍ بلا كيل= غصبٍ على ناس ٍ كثيرٍ غضبها قوم ابرهه ما فادهم قوة الفيل= شبّولهم نار ٍ وصاروا حطبها أرسل عليهم ربنا طير ابابيل= أفنا جنودٍ تغدي اللي حسبها ابعد عن اللي يزرعون العراقيل= ويوّشحون المغديات بذهبها تبي نخل بغداد يشرب من النيل= منابعه من روس منداه جبها ولا تقول الهرج من غير تدليل= أضغان خلق الله سريعٍ ندبها كم واحدٍ ياقع بفخ المحابيل= يبي الطماعه والمخاطر جنبها مخاطر ٍ تولد كبار ٍ وهي حيل= خلك حذر لا تعترض في نشبها ولا تحلل ضايع الهرج تحليل= تبلش بكذبة كاذبٍ ما كذبها وصبرك على الاحداث لو يطوّل الطِيل= ادراك غاية مفختٍ ما قضبها الفايت اللي فات ما يدركه ويل= والحاضر امجاده لحي ٍ خطبها كبّل شفوف النفس بالصبر تكبيل= الشمس ما حي ٍ بكفه حجبها تركيبة ايامك على العدل والميل= سنة حياةٍ كلنا في طلبها أحدٍ قناده راهي البن والهيل= وأحدٍ قناده شربةٍ ما شربها من دونها يوم ٍ تطارد به الخيل= في ساعةٍ يا حظ منهو كسبها وأحدٍ يدوّر زود مال ومحاصيل= ويموت ووصات العمر ما كتبها وأحدٍ شفاته بالليال المقابيل= يبي المراجل ما يهمه تعبها وأحدٍ عليه من الليالي مداخيل= يغطي مداخل نهبةٍ له نهبها تلعب بنا الايام جيل ٍ بعد جيل= موارثٍ يلحق بها من عصبها خل الأمل بالرب منش المخاييل = وتشوفها كان الولي لك وهبها ولا تخل النافله تالي الليل=بر النوافل دايم ٍ في رجبها | |||
 |  |
