الشاعر / سعود بن حسين السبيعي

المجد دفتر والمراجل دواوين = والطيب حبر تنكتب به خصاله
عبد العزيز الحر نسل الزعيمين= رمز الكرم والطيب رمز البساله
الشعر يكتب له بحور وعناوين= ذرب فصيح لسان حلو مقاله
يا شاعر آل سعود يا شاعر الدين= جزل تحب المرجله والجزاله
شعرك بحر اعذب من النهر والعين= يروي مسامعنا وشرب زلاله
يقال فالخطبه لناس مصلين = يستشهدون بحكمته وإمتثاله
وينقال في مجلس رجال ميامين = ويقولها راع الغنم مع حلاله
ويقوله الي خاض بحر المحبين = ويتوب عن بحر الهوا والجهاله
مرسلني كحيلان خالك بثنتين = بقولها في اذنك بليا شكاله
ما ارسلني الا عارفك باخصك زين = يقول رح له لو تبي كل ماله
ماجيتك اشكي من عنا الفقر و الدين = جيت الامير الي تميز بحاله
جيتك اخو سلطان سيد السلاطين = جيتك بحسبة واحد من عياله
يقول انا مثل السواد من العين = من يشكي الدنيا وهو راس ماله
والله ما شكي هم بكرة وهالحين = وانا اذكر اني عايش في ضلاله
سلطان نسل الحر نسل العريبين = شمس لها مابين الافلاك هاله
نور على درب اليتم والمساكين = يمسح دموع المنفجع في حلاله
لا ضاقت الدنيا من الهم والبين = زبن الدخيل الي جلى عن عياله
نادر في رجال طلق الحجاجين = متواضع حلحيل ذرب فعاله
لي شرف لاصرت بين الامرين = لي شرف مابينه وبين خاله
شاعر ولاعمري كسرت الموازين = وسمعه سلطان لاجا مجاله
والحمد لله كل ما يسمعه زين = يطرب على معنى القصيد ومثاله
وصلت شعري يم لندن وبرلين = وكوفي عنان مترجم لي رساله
ومكالمة سلمان عندي نياشين = يوم الامم خذت قصيدي مقاله
سلمان نجد الي له القاسي يلين = كلي فخر في سيدي والصاله
عيبي حياوي والحيا خصلة ودين = نبينا زود الحيا من خصاله
الله يتمما على اليسر واللين = وصلو على من ارسله بالرساله