الشاعر / المقدم ركن نادر بن شيهان العتيبي

للشعر في خاطري عبر الزمن صوله وجوله = أجمعه من منبعه وانقاه واختار الثمينه
من عميق ابحوره آخذ صافية درة ولولة = واعزل الصافي منه وافرق يساره عن يمينه
وانظمه في عقد ونصاك أنت يا رمز الرجولة = يا سمو المجد راع الجود في عسره ولينه
دوم إسم ( عبد العزيز بن سعود) افخر واقوله = أتفاخر باسم أبو راشد عسى تبطي سنينه
طيب من زود طيبه كاسبين الطيب جوله = ومجلسه فيه الدلال وعودٍ ازرق والسمينه
يا ولد رمز الكرم شيخ الشجاعه والبطوله = مشتهر بالطيب فالدنيا ومشهور بدينه
عن سعود إبن محمد لو ابعدد فعوله !! = والله لتبطين يا حروف الهجا ما تنصفينه
ويا بناخي من على علم الفخر تسبق خيوله = من جميع جدودكم كل الفخر متوارثينه
أفتخر يا ( شاعر آل سعود ) يا بن ملوك دوله = ويفتخر فيك القلم والشعر واللي كاتبينه
وما يقل يدل عن كل الحكي عرضه وطوله = جيت ناصي وازين السامر وحلي في يدينه
والصعب يهون عنده في يد السامر حلوله = الله إنه يسعد أوقاته ويرحم والديه