أنت الحبيب

أشرق سنا شمس الغلا عقب تغريب

وطاب الزمان وطاب جرحٍ عطيبي

ألفٍ هلا.. وألفٍ غلا.. وألف ترحيب

مع كثرها لك بالغلا يا حبيبي

لوّي مريضٍ كل ما شفتك أطيب

يوم انك لوجدان روحي قريبي

انت الحبيب اللي منزّه عن العيب

وانت الذي تقرا من الهم غيبي

ما ودي إني عنك يالغالي أغيب

وما ودي انك عن عيوني تغيبي

يا عيوني الثنتين هاتي وباجيب

لك بالهوى والحب حقٍ مصيبي

بيني وبينك بالغرام المناديب

سودٍ هواها من نظرها غريبي

وصارت لي أفراح الليالي معازيب

وغابت هجوس الهاجس اللي مريبي