الدمـــــع

للوداع دموع ما يظهر نداها= فوق راس الخد وإلا حجر عين
شفتها في عين من عنـدي غــلاها= زاد مع زود الليالي والسنين
لو تنثر من مفيض الدمع ماها= قلت هذا طل فوق الوردتين
السحاب اللي تكاشف في سماها= بارقٍ ينتل من صاف الجبين
شيخة الخفرات ما يوصف حلاها= كل ما منها خلقه الله زين
الجمال بعينها اليمنى تباها=والكمال بعينها اليسرى ضمين
الله اللي ملك الروح بهواها=الهوى اللي من غلا الغالي يبين