مجـرد التفـكير

لو انهــا مره تتقيت عنها = لكنها مـــره ومـره ومـرات
مزاعمٍ ما ينصرف بي ثمنها = مجرد التفكير يا هـل المـروات
شرهة محبٍ ما تفارق وطنها = في خاطري تكبر ولا به مـراوات
غلطة محبٍ بالصداقه دفنها= يبني من الغفله قصور ومقـامات
ان كان تبغى عز نفسك فصنها= ومن طاح قـدامك فقـل له سلامات
وصيةٍ وصى بها من ضــمنها= وصيةٍ يدرك بها الحــي ما فات
ومن قال لـه كلمة خطـا ما وزنـها= خذلـه من القرآن تفصيل الآيات
كلمه غطاها طول الأيام منها=وكلمه دوافعها كبار وخــفيات
والدار ما ضـاقت من اللي سـكنها=الله وعد خلـقه بنارٍ وجنــات