عين أشقر

خذنــي جـــروح ٍ كل مــاطاب منـها=جرح ٍ جـــرحته واحدٍ عنه ثاني
وخذنــي هموم ٍ في يدينك رسنها=وجاز بجفــاك المرّ حاني حناني
سهم العيون السود كبدي طعنها=بلحظٍ ومــرني بالغــرام ونهــاني
على الرموش العكش يعزف لحنها=سحــر ٍ بــه الله يـــاحبيبي بلاني
رب العيون بشوف عينك فتنها=وسلطـان عيني لو أردّه عصاني
لك عاتق ٍ هزّ القلوب بوطنها=وتصـــافـقت بين الضلوع المحاني
عاتق وحش شاف الطيار وضمنها=ويرهي على خوف الشفيق الأماني
عين أشقر طارت ولا صدّ عنها=لحــق الطيـــار وشكها في ثواني