المجاريح

ياعينها ماترحمين المجاريح=اللِّي مشــاعـــرهم غرامك جرحها
ويا شعرها لا تنثني لي مع الريح= صــــورتك طـــــول فراقنا مامسحها
ويا جيدها المنتوق لا تغري مريح= عينه قبــــــل شوفتك صدّ ونصحها
وياقدّها خفِّفْ تثنيك لا اصيح= صيحة نفـــوس لــوِّعت في فرحها
رمشك يلمِّحْ لي بالآمال تلميح= والياس نفسي قبـــــل اشوفك ذبحها
صحيح لو جابوا جميع المماليح=انوارهم نورك بلمحـــــه نضـــحها
حبّك برق لي مثل مزنٍ مراويح=اللِّي مزونه عقب برقه طـرحهـــا
أرجي عسى لي من هواكم مصاليح=يقوله اللِّي لك حيـــاته منـــحهـــا
سبحت ببحور ٍ غدت بالسوابيح=مجنــــون ليلــــى قبلنا مـــاسبحها