نادني

ارحم اللِّي ليلة الحفله معك=بــيــنهــم نــورك يشعشع لي سنـاه
الله اللِّي ياهوى البال رفعك=فـــوق تــاج الـــزين كلّه ياحـلاه
كلّ عين ٍ نونها في مطلعك=في بهـــاك معـــانــدك ضيّعْ بهـاه
كل ماشفت النواظر تتبعك=من غرامي زاد جــرحي في حشـاه
نادني برموش عينك واسمعك=يا حـبـيـبي جـــدِّد لعمـــري هنـاه
لو سهر عيني يفيد وينفعك=والله إن أجـفـا مــنـامي واعصـاه
لا تخلِّي خافق ٍ ماودّعك=ودّعــه بــالـــوصل لايكثـر عناه
أدري إن مواصلي هو مطمعك= بس أخاف إن الرجاء يقطع وفاه