يا بلاد

كل مجدٍ له على ما قال الأول فارسه

وكل عزٍ له على ما قال الأول من رعاه

يا بلادي ، فلي ، البيرق لنا مستانسه

غطرفي في ظل شيخٍ حدك الأقصى حماه

وحدك الأدني شهابٍ يشتعل به قابسه

يشهد التاريخ والشاهد بعد حيٍ قراه

الرخا والأمن ظلك بالظروف العابسه

والسياسة بيتها مجدك وشيخانك ذراه

الحضارة شيدت بك من على أرض يابسه

والبنا بك يا بلاد العز يشهد به ثراه

عزك أمعزي وعزك دفتر أمسك دارسه

يوم رسّى بالعدالة في ميادينك بناه

كلما هبّت هبوبٍ بالبلاوي طامسه

جوك أصفا للعروبة من صفا نجد وصباه

كل نجمٍ عاش مجدٍ في سماك نلامسه

بك نطاول كل نجمٍ يا وطنا في سماه

مجدك اللي بالشريعة نهج حكمه غارسه

فيصليٍ يوم صبح ملك جدانه خذاه

والسياسة روحها في محبس أمره حابسه

عمي الغالي فهدنا والفهد يكفي بناه

خادم البيتين والثالث وقف مع حارسه

دون شرذمة اليهود ودون جبروت الطغاه

الفهد ثوب الثناء هو والمدايح لابسه

شيخنا شيخٍ تعصي في معادينا عصاه

الوطن مجدٍ كبيرٍ حصنو متارسه

الله .. الله عزنا به واصلٍ به منتهاه