حرصك على ابوك

كل ٍ يبى الطيب لكن مره وفاته =بلاه عندك لقاله مشرب ٍ صافي
عــتاّق الارقاب فعل الطيب عاداته =حر ٍ يصيد الجمايل جل وتشافي
عبد العزيز الوفا لك تحكم قضاته =وتميّزه لك وهذا عين الانصافي
الطيب فيك انت مجده لاقي ٍ ذاته= قبلك وهو من شداد العز متجافي
ما دام رب الملا خصك بمرضاته= مكارمك بالعرب تسعى وتطاّفي
على يديك الوفا تكبر مهماته= وسم ٍ تخضّر بنوّك كل الاريافي
أمرك انجاز الأمر وتوثق وصاته= وتنشد عن سعود نشدة مصخي ٍ وافي
حرصك على ابوك من ربي مجازاته= فضايلك بالقرابه سترها ضافي
الطيب بك وصله ربي نهاياته =بين العرب فخر وائلنا بكم كافي
وصاني ابوك ابلغكم تحياته =اليوم من فضل رب البيت متعافي