لمعة حزن

كلّ العيون اللِّي تدوِّرْ صورتك=في عيني أخطت .. منزلك بين أضلعي
يقرون في عيني غلاك وقصتك=وداعــتـي حبــك وداع مــودِّعِــيْ
في دهشتي تظْهــرْ ملامــح لهـفتتك= دونــك حجــاب وبـاب لكــنــك معــي
شافــوك ياعـمـر الهناء في غيبتك= لمعة حزن يفيض به نهر أدمعــي
في فجر عيني كن بارق طلعتك=يقــول ياشمس الضـحــى لا تطلعي
الله واكبر كل ماجت سيرتك=برق ورعــد زلزل منـازل مسمعي
صحـيــح كلّ عيــونهم ماشــافـتـك=بس لَمحــوْك اشــعــاع شمس بمطلعي
في غربتي أغرى الفضول وغربتك=عين ٍ تصــافـحـنــي سـؤال وتــدِّعــيْ