العزم على الفداء

يادارنا حناك من دم العدا لا تجز عين=مــــدي كـــفـــوفــك للخضاب ونعطرك عطر الفعل
يادارنا دار النبوة والرسل والمرسلين= بفعالنا يـــــوم الــــوغــــى بنكحل عـــيــــونٍ نجل
دون المدينة والحرم متقاضبين باليدين= والله مــــا يـــنـــزل بهــــا : اللــــي بحرمتها يخل
من دونها الكايد اللي منا تحركنا يلين= كـــــم خــــاينٍ يــــهــــومــها ولــيـــا تذكرنا يذل
خادم بيوت الله فهد : فهد الأمانة والأمين= إلي نقل فوق المتن بـــالمـعــضلة جــــور الحمل
والشعب كله والعرب من دونها والمسلمين= تجهل على اللي بالحـــــرم تسوقه أطماع الجهل
أرواحنا نصخيبها والله ولي الصالحين=نـــاقــف ونــثــني للـــعــدا في كل واردة السبل
الموت من دون الحرم نفوز به ديناً ودين=مــــن شـرب منا من حياض الموت ملزومٍ يعل
بامانها تشهد لقايدها جميع المسلمين=قــــولها تســمـــع بــها كــل القلوب اللي حبل
حنا حماةٍ للحرم من فضل رب العالمين= وأنــتـــم حماةٍ للفجـــر يـا هل الدعاية والدجل
وأنتم طغيتوا والطغى آخر مدار الظالمين= للبيـــــت ربٍ يحفـــــظه والمطلب رب الابل
ومحمد الهادي البشير في معترك غزو حنين=صفوان جاهد بالسيوف القاطعة هي والنبل
كل العرب بالخطة اللي دبروها خابرين=صــدام هـــدام الــعــرب كذاب وأفعاله تدل
الدين من فعله بري وأيضاً وفعل الخاينين=اللــــي تـــعــــقد بيننا ما هيب لا والله تحل
الغادر اللي بالغدر يقدح فتيل الآمنين= يــــومٍ يخلونه هل التوحيد من روحه يمل