علّموه

علّموه إنِّيْ على عهد الهوى=باقـي ٍ مادام في عمــري مدَدْ
ياحبيبـي لو يطول بك النــوى=والله إن أصبر على رجوى العهد
حبك اللِّي من على القلب التوى=جيت ابــا فَكّـه ولكـن أنــعــقـد
لو نحل حالي من الحب الخـوا= مالي بغيرك من الغــالين أحـد
الشباب اللِّي من الحسن ارتـوى=ماحدٍ مثــله ملا عيــنــي ابـد
خلِّكْ اللِّي مالقى جرحه دوا=ناظر بوجـهـة علامات الجـهـد
إن قوى فرقاك وإلاّ ماقوى=ماله إلا الصبر في رجوى الوعد