هيدوك

إن كــان ودّك تجــرح القلــب هيـدوك=هيدوك قلبــي واجــرحه لا تـحنّه
وقــولك مثل كلّ الشمــاميت مبــروك= وآخر تباريكي مــن القلــب ونّه
يابو هــدب عينٍ بهــا السحر مشروك=هدبك سحر ومنبع السحــر منّه
أشم ريحــك مع هـواء الغرب مدلوك=وتحيا عروقي يوم يازين اكنّه
لا تبتعــد عن ناظـر الهـايم أرجـوك= خـلّه يصوِّر فيك بالشعر فنّـه
مــااغلاك مثلي قلب لاامّك ولا ابوْك=أغليك لـو مالي بقلبـك محـنّـه
أمسيت لك مثل أشقر الريش مشبوك=فـرقاك نار وقرب لاماك جنّه