حكم الليالي

العتب جايز وخلّه باختصار= بس ما أقوى منك نظرات الشمات
البكا لك يا نظـر عينـي وقــار= عزَّل الدمع الرموش الواقفات
مثل طلّ ٍفي زهور الورد حار= حار ما ســايـر دمــوع ٍ نازلات
إن مسحته راح بكفوفٍ تغار=منه لا عانق ورودٍ ناعمـات
كلّما ترخي عليهــا بالخمار= تـجدف أطرافه دموع ٍ حايرات
وغرّةٍ مفلولها حرِّك وطـار= وطـار معها عاشق ٍ يقوى الثبات
اتجاهه وجّهَهْ لك واستــدار=هـام في حبك على كل الجهات
الليالي حكمها قاسي وجـار=والعذر فيه المعـــاني قاصرات