هضيم كشح

يا ساجع الـرمش مــا فيني مكفيني=هضيم كشـح وشـعـر وعيـون فتّــانـه
آيات حسنك عـن اللــوعة تهدِّيْنِــي=إقـر الهـوى فـي عيون ٍ منـك ظميانه
أشوفك النور نورك ســاكن ٍ فينـي=أشـوف به واطلـق عـيـوني بمـيـدانه
صوّرْتٍكْ الشـعـر حاسب لا تعنيني=قصيدي ألفاظ شـاعــر حبِّــكْ أوزانه
صوتك عن الناس ياخذني ويلهيني=ومسـامعي لاعـذَبْ الأصوات ولهانه
طيفك عن الناس يبعــدني ويـدنيني=وافرح ولو الصـّوَرْ بالطيف خـوّانه