فاقد الاحساس

صحيح مالي من محبتك مصلوح=أدري ولكــن هــمْتْ واشقـيت حـالي
يافاقد الاحساس مجروح مجروح=وشلــون فـي لحظه تحـطِّـمْ خيالي
سميت رفـقتنا صداقــات مــزوح=وبّينـت هــجـرك كل مــاجا مجالي
وظنيتها عشرة من الروح للروح=ولا هقــيــت إنِّكْ تخيَّــرْ بـدالي
مانيب لك جسر ٍ تخطاه وتروح= ومـاارضى تهين النفس لو كنت غالي
وبيني وبين اللي تسلّى بهم شوح=والــعاذل اللي حاكي ٍ لك حكـى لي
طوّ الرحال وشدّ واقول مسموح=قلـب ٍ طلبك أوَّلْ بيرفضك تالي
إلاّ إن رضيت تعود للعقل وتبوح=ولي تعـترف بانِّكْ بي تصير عالي