سحر الهوى

مـافي يدك ورْدَهْ ولا دمّ معـــلوق= لمســت خدَّكْ يــا حبيبــي وعاداك
وما شفت أنا روض ٍ فرق فيه زملـوق=إلاّ لقـــيــتــه ينــــثـني كـــنَّهْ إياك
وليل ٍ تكاشــف به على جيــدك بروق=ضاح الغلا لي وابتسـم به مـحيّاك
أناظرك مثــل القــمــر طالع ٍ فوق=لاغبت أشوفك مشـرقٍ لـي بالفلاك
ســولف سواليــفــك تجــي كلّهــا ذوق=ورد الشعر يوم انتثر فـوق يمناك
سحر الهوى في ناظرك ساقني سـوق= وأكبر دليل إنِّي تولَّعت بـرضاك
والله ما مثلك من الخــلق مخــلوق=سبحان من كمَّلْك بالحسن واغلاك
خلاّك تهدي لي من عيونــك الشــوق= وتصدّني عن شوف هذا وهذاك