انعــــايدك

أغلـى مــعان الــعيــد شـوفة محياك =ســالــم لشـعبك يــا حــكيــم القـيــادة
انعــايدك بالحــب والحــب يــزهـاك =مــن شعبك اللي منــزلك فـي فــؤاده
شعبٍ حياته في محــبتــك ورضـاك =أكــبــر هـــدايـا يـا فـــهــدنـا بــلاده
شعبٍ لهم بالحـــب مــديت يــمـنـاك =مــن يـــوم ولاك الـكــريم الســـيادة
حكمتهم حكــم العــدل لا عـــدمناك =حـكـمٍ علــيه مـن التطــور شــهــادة
يهناك عيد الفطر بالحــب يهــنــاك =الله يــعـــيــده لك بـــعــز وسـعــاده
والله يديم لك المــعـــزه بــدنــيــاك =ويقبــل مــن الله مـا دعوا لك عباده
تنعم يابـو فيصــل بـدارك رعـاياك =ومجـــدٍ زرعته تهتـني في حصاده